金饍韓國料理 (已結業)

今晚HAPPY FRIDAY約左個好耐冇見既FD出泥食飯, 為左可以坐得舒服, 揀左北京道金膳, 地黠方便而已環境一流。上到去6點幾天仲未黑, 一排落地玻璃採光好好, 而且今日天氣好好, 一眼望到出面既藍天同海景, 夜晚仲可以睇到維港夜景!原來有韓式火鍋, 感覺上冇燒肉咁熱氣, 一於試試, 另加$25仲有任飲飲品, 汽水啤酒都有齊。等緊主菜時可以先試下前菜, 一共5款, 泡菜特別好食, 爽脆又開胃。辛辣豆腐牛肉鍋 $428整個餐有辛辣湯底, 安格斯牛肉加烏冬, 一碗香菇同兩隻雞蛋。辛辣湯底其實係香而不辣, 反而覺得甜甜地, 怕辣既人應該都可以食到! 店員會幫忙將一碗香菇同兩隻雞蛋人入鍋中,  煲滾後就食得, 先飲兩啖熱辣辣既豆腐湯, 正! 安格斯牛肉大塊有睇頭, 而已口感軟熟牛味濃郁, 唔係求其搵D肉黎HEA你。鐵板雞翼 $88半熟既芝士蛋, 用鐵板既溫度繼續烘熟, 蛋加入左洋蔥, 又香又有口感, 雞翼味道係甜醬油味, 有d似滷水雞翼, 甜甜的幾好味。最後食埋甜品! 依度食飯真係一流, 坐得舒服, 淨係個海景已經值回票價。