影片
更多
2022-11-17
624 瀏覽
環境：分室內同室外，坐擁無敵維港海景，望住海景食Tea，心情靚靚。不過去果日落大雨，冇得坐室外😞-我地book 左三點，食到五點半，下午茶套餐用一個#打卡必備 既金色三層架裝住。基本上一坐底，侍應就會問你飲咩，可以揀咖啡茶或果汁。茶全部都係Twinings 既茶包，Earl Grey、English Breakfast Tea等。鮮榨果汁有橙汁、蘋果汁、西瓜汁、同埋菠蘿汁。☕️🍵我地叫左Chamomile 仲有蘋果汁。嗌茶既話打卡就會靚啲。-野食既類型都算唔錯，講左咸點先。我一嚟就啪左粒海膽撻先，呢款點心聽聞好好味，不過我同朋友都覺得麻麻地，海膽嘅味道略淡，而且好細粒，一啖仔就冇咗，不過唔腥就算係咁啦。牛角包配牛油果醬同龍蝦沙律係分開放喺另外一個碟。牛角包食落好鬆化，想切開細見啲配沙律食都整到成枱都係碎，牛油味都幾香，我哋影咗好耐相，食嘅時候牛角包都仲有少少暖。朋友大讚龍蝦沙律🥗，話食到粒粒龍蝦肉，爽口鮮甜。牛油果🥑入口Creamy，感覺清新。綠色嗰細細杯嘅係蜜瓜湯，好甜好清新。之後我哋就由三層架嘅底開始食起：食scones，有兩款：提子🍇同原味。入口十分鬆化，唔會友實實，亦都唔會過甜，
不過去果日落大雨，冇得坐室外😞
-
我地book 左三點，食到五點半，下午茶套餐用一個#打卡必備 既金色三層架裝住。
基本上一坐底，侍應就會問你飲咩，可以揀咖啡茶或果汁。茶全部都係Twinings 既茶包，Earl Grey、English Breakfast Tea等。鮮榨果汁有橙汁、蘋果汁、西瓜汁、同埋菠蘿汁。☕️🍵
我地叫左Chamomile 仲有蘋果汁。嗌茶既話打卡就會靚啲。
-
野食既類型都算唔錯，講左咸點先。我一嚟就啪左粒海膽撻先，呢款點心聽聞好好味，不過我同朋友都覺得麻麻地，海膽嘅味道略淡，而且好細粒，一啖仔就冇咗，不過唔腥就算係咁啦。
牛角包配牛油果醬同龍蝦沙律係分開放喺另外一個碟。牛角包食落好鬆化，想切開細見啲配沙律食都整到成枱都係碎，牛油味都幾香，我哋影咗好耐相，食嘅時候牛角包都仲有少少暖。
朋友大讚龍蝦沙律🥗，話食到粒粒龍蝦肉，爽口鮮甜。牛油果🥑入口Creamy，感覺清新。綠色嗰細細杯嘅係蜜瓜湯，好甜好清新。
之後我哋就由三層架嘅底開始食起：食scones，有兩款：提子🍇同原味。入口十分鬆化，唔會友實實，亦都唔會過甜，配埋cream 同jam ，一切都啱啱好，係少有我食過覺得都唔錯嘅scones
之後食三文魚toast ， toast 仔都幾香口，在過加埋魚子醬令整體味道偏鹹，食唔到三文魚嘅油甘香。唔算係非常好食但絕對唔係難食。
鵝肝醬配無花果馬卡龍，呢一個係驚喜之作。朱古力味既馬卡龍托底，配上口感綿滑既鵝肝醬，原來味道都幾夾。鵝肝醬都有一大塊，一啲都唔孤寒，而且一啲騷味都冇。
🦀蟹肉脆片，呢款又係得到朋友嘅青睞，但係我食完之後完全冇記憶🤣
整體來講鹹點都唔錯，會好過甜點。
伯爵茶瑞士卷，唔係太食到伯爵茶味，不過蛋糕就幾鬆軟。
🥭芒果撻係我食過最有印象嘅一樣甜品，因為個芒果真係好酸，酸味太搶，根本食唔到其他嘅味道。
Tiramisu，食落口感偏濕潤，空氣感好重，咖啡味適中，不過底層既lady finger酒味幾濃，我就唔係太鍾意浸酒味。🍸
.
🍓🫐野莓泡芺，外型好靚，泡芺入面吉士醬、藍莓、士多啤梨、食落清新，泡芺軟身酥化，咬落脆身，呢個泡芙已經食到最後，放左咁耐都冇冧到。
最後仲有個檸檬雪皅同埋黑松露雪糕。🍋檸檬雪皅都幾清新，味道就少少酸。黑松露雪糕我就接受唔到啦，接受唔到係甜既黑松露，不過係幾綿滑，奶香味都好夠。
整體來講，都算唔錯😗
價錢：平均每人$361 （已加一）
地址：尖沙咀廣東道3-27號海港城海運大廈4樓OTE403-404號舖
有人話呢間餐廳好難訂位，我地係星期二去，早一日book 位都仲book 到，不過就坐唔到窗邊。
張貼