影片
更多
2014-10-06
6935 瀏覽
趁著兩日連假, 蘿拔仔同同事出左去踩單車, 踩左成日除左一身汗就係肚仔餓~係沙田友既提議之下我地就黎左新廣發諗住試下大排檔風味, 點知去到先發現原來係打邊爐同網燒既勝地! 完全出乎意料!難得黎到又倦, 點都要試左先. 由於加多四十幾蚊就可以多個爐, 我地就一邊網燒一邊打邊爐喇. 材料方面都叫幾多選擇, 連生蠔都有, 不過我地就唔敢食喇, 都係揀返啲大路野, 牛肉, 牛丸, 魚蛋等等, 燒既就羊肉串, 雞翼, 多春魚, 牛扒,豬扒等.感覺上食物方面唔多有醃過, 好似都係比你自己沾醬去調味多, 肥牛見佢現場有機不停咁切緊,都算新鮮, 味道都OK. 潮州魚蛋彈牙有魚味, 唔錯以100蚊個人任飲任食都叫幾抵, 食物質素算係OK, 但選網燒既要預左耐啲先有得食, 啲野無咁快熟,同埋千祈唔好浪費食物, 呢度好似捉得幾嚴..
係沙田友既提議之下我地就黎左新廣發諗住試下大排檔風味, 點知去到先發現原來係打邊爐同網燒既勝地! 完全出乎意料!
難得黎到又倦, 點都要試左先. 由於加多四十幾蚊就可以多個爐, 我地就一邊網燒一邊打邊爐喇. 材料方面都叫幾多選擇, 連生蠔都有, 不過我地就唔敢食喇, 都係揀返啲大路野, 牛肉, 牛丸, 魚蛋等等, 燒既就羊肉串, 雞翼, 多春魚, 牛扒,豬扒等.
感覺上食物方面唔多有醃過, 好似都係比你自己沾醬去調味多, 肥牛見佢現場有機不停咁切緊,都算新鮮, 味道都OK. 潮州魚蛋彈牙有魚味, 唔錯以100蚊個人任飲任食都叫幾抵, 食物質素算係OK, 但選網燒既要預左耐啲先有得食, 啲野無咁快熟,同埋千祈唔好浪費食物, 呢度好似捉得幾嚴..
張貼
