La Viña

營業中

休息中

一睇就覺得呢間店好適合影美美的相，啲甜品又好吸睛，週末嚟坐下chill下就啱晒。佢主要以甜品為主，有少量咸點，點咗一個忌廉雞肉意粉，是女士輕盈食量的份量，好creamy，整體味道不錯，好快就清咗。之後主力食甜品，叫咗清新柚子巴斯克芝士蛋糕、提拉米蘇杯，同埋一定要食嘅焦糖蘋果配伯爵茶忌廉法式千層酥。巴斯克蛋糕滿滿嘅柚子味，中和咗芝士蛋糕嘅甜膩感，質地軟滑，半溶嘅芝士好香，小小一個啱啱好食得晒。提拉米蘇杯賣相高級精緻，好香濃嘅咖啡香味，層次分明，一匙羹到底可以食到不同口感，帶點濕潤而又不會過濕，不會太甜，味道均勻。最後重點梗係法式千層酥，叫咗焦糖蘋果配伯爵茶忌廉，千層酥一切落去唔會散晒，仍然係完整一塊，一切感覺到非常之脆，酥皮做得好出色。焦糖蘋果好香而蘋果味又唔會被掩蓋，伯爵茶忌廉有淡淡茶香，配埋千層酥一齊食真係食極唔停口。另外都點咗2杯飲品，iced lotus latte 同埋 lychee pink rose，2杯都好靚，味道都唔錯。呢間甜品店啱晒女士們影相打卡再傾偈。