影片
更多
2018-10-24
360 瀏覽
女仔朋友生日要買蛋糕真係一件好困難既事，又要揀個樣靚可以影相又要揀好食！最近係ig見到呢間流心雲石蛋糕好似幾出名，好多網紅都有買，而且女仔對雲石真係低檔唔到，所以就提早一個禮拜訂左流心雲石蛋糕！流心雲石蛋糕 6吋 $580 +生日牌$20內籠我地揀左朱古力味，老闆娘有提我地朱古力個流心效果會冇咁勁。不過我地個陣切開，係一d冇流心既，仲記得我地仲超級期待個個拎曬手機出黎拍片，有小小失望，同埋朱古力醬太小，唯一所謂既流心已經痴曬係蛋糕刀上面。蛋糕係戚風蛋糕，食落似係厚實版既海棉蛋糕，朱古力味都適中，但因為朱古力醬太小，所以個蛋糕食落就有d乾。外面個d雲石紋，食落冇咩味，可能係個朱古力味蓋過左。總括黎講，我同友人都覺得呢個蛋糕唔係好合我地口味，但生日個位朋友見到個蛋糕靚都覺得好開心！下次可能會試下佢個芝士凍餅，可能會合我口味多d～
流心雲石蛋糕 6吋 $580 +生日牌$20內籠我地揀左朱古力味，老闆娘有提我地朱古力個流心效果會冇咁勁。
不過我地個陣切開，係一d冇流心既，仲記得我地仲超級期待個個拎曬手機出黎拍片，有小小失望，同埋朱古力醬太小，唯一所謂既流心已經痴曬係蛋糕刀上面。
蛋糕係戚風蛋糕，食落似係厚實版既海棉蛋糕，朱古力味都適中，但因為朱古力醬太小，所以個蛋糕食落就有d乾。外面個d雲石紋，食落冇咩味，可能係個朱古力味蓋過左。
總括黎講，我同友人都覺得呢個蛋糕唔係好合我地口味，但生日個位朋友見到個蛋糕靚都覺得好開心！下次可能會試下佢個芝士凍餅，可能會合我口味多d～
張貼
