富粥 (已結業)

今晚係土瓜灣收工搵野食，甘岩見到呢間特色腸粉粥店就入去試試。間舖唔大，得四至五張枱，但有冷氣機滴水，要小心睇住。一個人叫左田雞豬潤粥同齋腸，驚太飽😂呢間田雞豬潤粥好好味，田雞有味，似有調味過，比起之前係北角食呢個粥都要五十幾蚊，而且d 田雞係白烚，呢個扺食好多。齋腸都ok，但比粥品失色，略嫌太大舊，豉油唔夠多，相信可以問佢拎多啲。呢間店d粥好綿好好食，價錢又抵，而且見佢仲有水蟹粥，都係四五十蚊。性價比好高，會來再食。