Patisserie Mon cher (已結業)

綿蜜蛋卷呢間甜品店以日本卷蛋及蛋糕而做出名堂，之前有朋友食過話柔軟綿密，一直都想試好耐，今日在lkf happy hour 見到中環分店，機會難逢一於入店光顧。日本金栗卷，中心的cream 係用日本奶油打成，特別濃厚香滑，仲好細緻。個蛋糕好輕盈，食入口好鬆軟架，在口中飄呀飄的空氣感，食完唔會太甜太滯，好快Ko 一伴。栗子打成蓉卷在中心，甘甜又香，同埋加了栗子碎，食到一粒粒肉架，看得出有花心機加強口感，比例做得完美。中秋月見卷 半條 $108見到宣傳單為中秋而做架口味，應一應節就買埋來試，個盒好靚。唔係年年都食月餅咁悶。同樣是用了北海道牛奶忌廉，滑得來有奶香。中間加了雞蛋布丁，富蛋香而且好滑，忌廉超級夾，配茶或咖啡一絕。其他蛋糕曲奇都好吸引人呀，可惜胃空間有限，待下次再試其他口味。