緣聚西日餐廳 (仁愛堂圍) (已結業)

今日同幾個朋友去完黃金海岸玩, 好攰好肚餓, 個個都好想喪飲喪食一番, 我第一時間諗起屯門新墟個間”緣聚”之前食過非常OK, 今日要餐勁星期六既午市放題, 去到都幾多人, 8成入座, 如果你人多一定要BOOK定位先好去丫, 首先刺身類, 有大概15種刺身, 我個人偏好三文魚, 基本上次次都有三文魚腩位俾你, 好肥味, 少少爽身彈牙, 係新鮮既保正, 第二最愛係甜蝦, 帶蝦頭咁上, 好難唔新鮮囉, 正~ 熟食方面, 今次大發現佢個辣雞翼尖好味到不得了, 我地叫咗三四次, 勁惹味囉 其他仲有炸蠔, 清酒煮蜆, 黃金雞軟骨都係必食的, 我諗下次去開屯門玩一定會再食, 十分正丫