仰光粉麵店 (已結業)

上次試咗咗得寶商場木馬工房嘅大勝豬扒煎蛋飯，今次再試下入面另一間美食：仰光粉麵店。光看店名相信大家都估到仰光粉麵店出售嘅喺緬甸美食。餐廳提供嘅食物選擇都幾豐富，真係一時花多眼亂，格價定位都算大眾化。我今日就叫咗豬扒扎肉湯檬粉，再加$3要埋杯凍飲。檬粉分量適中，湯底都好清甜。值得一讚嘅係豬扒非常入味，香茅味非常突出。店舖仲提供咗一個迷你醬料區，食客可按自己口味喜好加蔥、炸蒜、辣椒粉、辣椒醋或者辣椒魚露。