影片
更多
2023-01-10
987 瀏覽
幫襯一年，差唔多試勻晒，味道普遍唔錯，屬於韓式濃味風，基本上所有款都值得平日一試，但都係飯多肉少唔夠食，要自己加餸。如果中意食肉，絕對唔可以揀炒粉絲，因為只會得幾片肉粒攝「牙喇」。而石鍋飯就相對偏淡同健康。我有住戶證9折所以覺得抵食，但原價就唔建議因為肉少，並且鐵板餐雖然幾惹味，但可能有需要落多油，所以食到中段開始會好似飲緊油咁。琴日外賣6號鰻魚牛肉飯諗住食多舊肉，點知拎到番屋企先發現冇俾牛肉我，得條鰻魚，姐係話我俾多左十蚊去食鰻魚飯！呢間野已經唔係第一次漏俾野（唔同員工），第一次係堂食某個有泡菜嘅飯，冇俾泡菜我，我即時發現問佢拎番。第二次又係漏俾泡菜但外賣冇計，唯有當食少樣配菜。今次第三次直程冇俾我搵十蚊買嘅牛肉！下次真係要當面打開盒飯check清楚！！今日就食泡菜牛肉飯，本身想食豬手，但呢間野十次有八次都係冇豬手，我嗌左咁多次只係成功食過兩次，我真係唔明豬手咁普通嘅野點解會冇貨，不如直程咪鬼出呢款好過啦！今日女店員特別西面，態度特別差，連俾飛都係好晦氣求其咁隊俾我就即刻走開去做其他嘢，好似好不滿有人點餐咁。講真，呢間野係多人食而且員工只有兩個，忙到甩轆係可以體諒，但我都企喺前台等左
我有住戶證9折所以覺得抵食，但原價就唔建議因為肉少，並且鐵板餐雖然幾惹味，但可能有需要落多油，所以食到中段開始會好似飲緊油咁。
琴日外賣6號鰻魚牛肉飯諗住食多舊肉，點知拎到番屋企先發現冇俾牛肉我，得條鰻魚，姐係話我俾多左十蚊去食鰻魚飯！呢間野已經唔係第一次漏俾野（唔同員工），第一次係堂食某個有泡菜嘅飯，冇俾泡菜我，我即時發現問佢拎番。第二次又係漏俾泡菜但外賣冇計，唯有當食少樣配菜。今次第三次直程冇俾我搵十蚊買嘅牛肉！下次真係要當面打開盒飯check清楚！！
今日就食泡菜牛肉飯，本身想食豬手，但呢間野十次有八次都係冇豬手，我嗌左咁多次只係成功食過兩次，我真係唔明豬手咁普通嘅野點解會冇貨，不如直程咪鬼出呢款好過啦！
今日女店員特別西面，態度特別差，連俾飛都係好晦氣求其咁隊俾我就即刻走開去做其他嘢，好似好不滿有人點餐咁。講真，呢間野係多人食而且員工只有兩個，忙到甩轆係可以體諒，但我都企喺前台等左咁耐等佢做完手頭野再好好態度咁點餐，佢都咁西，做唔起餐飲同服務業就轉行啦小姐！
張貼
