翡翠拉麵小籠包

營業中

休息中

晚飯叫咗翡翠拉麵小籠包外賣，堂食好少人，似乎大家都去晒旅行，外賣做緊特價，叫咗一個上海粗炒、一個雞火炒飯、一盒小籠包同埋一盒煎鍋貼，拎到返屋企雖然凍咗少少，但味道依然唔錯，個小籠包湯汁味濃，皮唔算厚，肉餡亦唔會過多，外賣嚟講質素幾好，煎鍋貼雖然未算爆汁，但都做到鎖住肉汁，而且皮煎得幾香脆，唔錯，只係個皮稍嫌厚咗啲啲，至於個上海粗炒，味道稍淡，但所有麵條上色均勻，菜同肉嘅份量適中，加上少少豆瓣醬，彌補到味道嘅不足，最後個雞火炒飯，炒嘅技術唔錯，飯粒乾身粒粒均勻，雞肉比較淡，金華火腿味道彌補雞肉嘅淡味，但火腿切粒略嫌有少少大小不均，但整體味道合格有餘，價錢仲要做緊半價，性價比幾好。