影片
更多
2020-09-16
1677 瀏覽
話說最近喺香港仔返工，嗰頭食嚟食去都係茶餐廳，日日食茶記令我覺得有啲悶，於是喺機緣巧合底下比我搵到呢一間以湯飯同淮山麵做主打嘅餐廳，我就懷着可以食得平平哋又健康嘅心態入去試吓。開頭以為間餐廳剩係得湯飯食，但係入到去先發現原來都有唔少選擇。除咗湯飯，仲有米線同埋煲仔菜 。我同朋友都各自揀咗「湯飯DIY」，即係先任揀兩個餸，再揀一款菜，最後揀埋湯底同埋飯。《豬軟骨+雞扒+生菜+魚湯+三色飯》先講豬軟骨，炆得非常入味，重點係啲軟骨完全變成膠質，可見製作過程一點也不馬虎，炆足火候。雞扒就會連一個小煎pan一齊上菜，即叫即炸，塊雞扒好大件，啖啖肉，我個朋友都話食到好飽。魚湯湯底鮮味濃郁，一啲腥味都冇，雖然舖頭好似話唔落味精，不過飲完都係有少少口渴。《鯪魚肉+雞肉+生菜+魚湯+三色飯》至於我就叫咗個懶健康嘅配搭。靚魚肉嘅肉質唔算彈牙，但勝在冇碎骨，而且店舖特別加咗一啲陳皮落去。雖然我唔係咁鍾意食陳皮，但係加咗落去後的確別有一番風味。雞肉非常嫩滑，一啲都唔柴皮。將生菜同飯放喺魚湯入邊吸晒啲魚湯汁，真係令人忍唔住一口接一口。總括而言，鍾意食湯飯嘅一定要黎試吓，呢一間餐廳勝在餸菜選擇夠多，可以自由配搭，
開頭以為間餐廳剩係得湯飯食，但係入到去先發現原來都有唔少選擇。除咗湯飯，仲有米線同埋煲仔菜 。我同朋友都各自揀咗「湯飯DIY」，即係先任揀兩個餸，再揀一款菜，最後揀埋湯底同埋飯。
《豬軟骨+雞扒+生菜+魚湯+三色飯》
豬軟骨雞扒生菜魚湯三色泡飯
$51
99 瀏覽
0 讚好
0 留言
先講豬軟骨，炆得非常入味，重點係啲軟骨完全變成膠質，可見製作過程一點也不馬虎，炆足火候。雞扒就會連一個小煎pan一齊上菜，即叫即炸，塊雞扒好大件，啖啖肉，我個朋友都話食到好飽。魚湯湯底鮮味濃郁，一啲腥味都冇，雖然舖頭好似話唔落味精，不過飲完都係有少少口渴。《鯪魚肉+雞肉+生菜+魚湯+三色飯》
鯪魚肉雞肉生菜魚湯三色泡飯
$47
120 瀏覽
0 讚好
0 留言
總括而言，鍾意食湯飯嘅一定要黎試吓，呢一間餐廳勝在餸菜選擇夠多，可以自由配搭，就連米飯都有四種揀！分別係白飯、三色飯、桂格燕麥飯同埋有機藜麥飯。所以話總有一款啱你！
張貼
