媽咪雞蛋仔 (已結業)

每次經過媽咪雞蛋仔都總會停下腳步望下，雞蛋仔款式好多實在好吸引，究竟幾時先可以試晒咁多款呢？今次和朋友經過又買左兩底當下午茶小食滿足下先～抹茶紅豆雞蛋仔 (加雲呢拿雪糕) $49雞蛋仔加埋兩球雲呢拿雪糕相當大份，用膠杯盛載食起來無咁論盡，雪糕好滑好香雲呢拿味。抹茶紅豆完美配搭，與雪糕冷熱交雜，食落非常滿足。雙重芝士雞蛋仔 $35邪惡的芝士咸香惹味。外脆內軟口感十足，一底３０粒真係好快ＫＯ。宇治抹茶紅豆牛乳 $28飲落好香抹茶味入口甘醇，杯底大量紅豆唔係好甜，味道唔錯。特濃朱古力沙冰 $33冰涼口感啖啖濃郁朱古力味，甜度適中非常好飲。