唐記包點 (港鐵元朗站)

營業中

休息中

唐記係香港咁多年，周街都可以見到，果然係深入民心，但係眾所周知都知道佢嘅嘢平靚正，今日我就買返幾個包同埋糯米雞返屋企嘆下先。糯米雞，夠晒大隻又重身，一打開陣陣荷葉嘅香味，新鮮滾熱辣，攞到返屋企仲識出煙，糯米香滑，而且滲入左荷葉嘅香味，入口份外滋味，入面嘅料可以可以稱得上足料糯米雞啊，因為肉十分之多，又唔會好乾身，果然淡淡滋味。鳳爪，夠晒入味，而且又唔會好淋身，入口又唔會覺得太濃味，果然好食。排骨飯果然係上天賜嘅恩物，粒粒米晶瑩剔透，最重要嘅排骨係好多，而且又新鮮，唔會好乾身，而且份量好多架，我一個女仔真係食唔晒，淋上特製嘅豉油，更滋味。而且價錢又抵食，每逢月尾，我總會掛住佢。