Pasta De Waraku (已結業)

總有失手時，不過係指我哋。每次去都食煙肉唔知咩咩意粉，因為係信心保證，無衰過。但當我哋試新嘢，就出事了。今次全部都係第一次食。　披薩燒餅（伴蕃茄芝士汁）味道一般，怪怪咁。　豪華汁燉牛柳唔知有幾豪華！只知佢哋有牛腩扮牛柳！本來唔知嘅，因為個飯係男友食，佢病到傻吓傻吓，無講乜嘢。但佢比咗舊肉我食，一食就知係牛腩，當發現嗰時男友已經差唔多食晒個飯，算了。　所謂的牛柳！　酥炸雞中翼唔錯，好脆，可惜愈食愈鹹呢！服務方面，依舊無變，都係呼天不應，侍應永遠唔見影，要落單、加水、埋單請比啲耐性！