世華餐廳 (已結業)

呢間餐廳其實已經係尖沙咀好多年啦 今個假期趁住有時間同媽咪同媽咪行街 突然回想返佢以前喺度返工嘅時候lunch time成日去呢間餐廳 於是今晚就懷緬一下啦呢間餐廳裝修左 以前既燈光暗少少 而家光猛左又乾淨左我地去到時冇乜人 可以坐卡位 望下街景〰️龍鬚芥蘭炒桂花球伴鹽酥骨腩〰️呢個係個侍應推介既 我見呢度好多枱客人都會問下呢個侍應有咩推介 所以我又問下 我話我想食魚 佢就即刻介紹呢個比我啦 先講左我鐘意食既炒個邊先啦 冇魚腥味冇雪藏味 好新鮮呀 而且肉質好厚 好有質感 另外 其實我平時唔係好食芥蘭架 因為又硬又苦 但係佢呢度咁樣切開 完全唔會好難咬 我仲食左幾條添呀另一邊係炸既魚 肉同骨既比例係一半半 呢個咁香口既就最啱用黎送啤酒架啦 我覺得咁樣一魚兩味既食法都幾新鮮 好少係呢種餐廳下食到咁新鮮既魚 有d驚喜〰️海南雞飯〰️其實我覺得海南雞飯最重要係個飯 呢個黃油飯有少少硬 但係就好香 食完上面個魚我本身都飽飽地 但係我同媽咪仲可以食晒個飯 （反而個雞唔係好食得晒）😂雞肉點左中間既甜醬油後更加提升左個味道 肉質尚算嫩滑 而且雞既皮下脂肪唔多 就算食埋雞皮都唔會好大罪惡感😂