世華餐廳 (已結業)

間唔中我就鐘意去搵吓港式扒食吓，食嘅未必係好上等嘅扒，係成個套餐嘅一種回憶；我一向都有幫襯開呢間世華，自從佢轉咗做中菜之後冇咗鐵板扒餐，所以我就冇嚟過了，近日發現佢又出返港式鐵板餐，當然要返嚟再幫襯吓啦。點知!!!!! 呢度嘅水準已經大不如前，以前我最愛呢度嘅紅湯夠濃味，黑椒汁夠野味，但係今次竟然大失所望。今次嚟嘅紅湯...淡而無味，尤如烚菜水...我成碗幾乎冇飲過!! 跟住上嘅鐵板都夠熱，先唔講扒嘅肉質，黑椒汁尚算OK，但係薯條又乾又柴，似係無限翻炸嘅手法炮製...意粉就已經放到成乾條狀，難以入口...至於塊扒就唔算靭嘅，但係冇乜肉味。如果再推出返鐵板嘅質素係變成咁嘅話，我相信其他嘅食物都好極有限...

同事返返下工，因為受了氣，嬲嬲豬，唯有出去同佢吃個tea 抖抖氣😉😉到附近的茶記，兩人都點了平時禁食的極邪惡「燒童子雞」& 「炸雞🍗」🥰🥰🥰下午茶即叫即做，熱辣辣的外脆內暖，咬下一口，心裏的悶氣全消，一樂也👍🏻👍🏻👍🏻

日日周圍搵嘢食，又係一路行一路睇下邊間有缘我會突然想入去食😂😂突然望見有個門口，有條樓梯旁邊有個餐牌，但我無望到餐牌食乜，剩係望⬆️面寫住世華餐廳，感覺係應該一間不錯的餐廳🤗上一層樓梯就係，都幾大，簡陋裝修，類似一般茶餐廳，但望落感覺係乾淨同闊落，坐得好舒服，吳會有迫切感。👍人手不是太多，但服務態度吳錯，每張枱放了一支清水，你坐低侍應就會比隻杯你，你可以隨便自己斟，如果人手不太多而又吳想服務差左，甘既方法都吳錯👍再睇餐牌好多嘢都想食，但最终選了海南雞飯，wow ，有驚喜，而家好難食到真係海南雞飯既飯，係飯既味道真係懷舊果種味道既飯，平日我吳會食反，只食左D餸就算，但今日我食左半個飯，好味👍(太大碗，我實在無辦法食得曬😂）湯🥣好清甜——-完全無味精海南🐔反———-好懐舊的味道檸檬茶————檸檬吳會苦，茶味夠香濃睇見佢地人手不太多，但對D客人好好，不論生客定熟客，全部招呼週到，好一間懷舊又好味又有人情味的餐廳👍👍👍👍👍

未裝修前的世華是港式西餐廳。我記得最愛飲佢的紅湯，即係西式羅宋湯。今日經過，又想鋸扒，所以就入座了。叫左個西冷牛扒配飯加蒜汁。（因為只有飯及意粉，沒有往日的薯菜了。）羅宋湯加凍檸茶。西冷牛扒飯上枱，真的是不得了，應該是中式牛柳變奏版，中式牛扒飯吧？味道不差，十分有鑊氣，用刀吃中式牛柳有點兒怪怪的。羅宋湯已經不像往日的吸引，湯內只有湯，亦不再濃香，有點失落。現在的世華應該只是中菜館吧，味道不算差，但如果與茶餐廳一樣，尖沙咀有更多選擇。結賬$78

世華回頭客，次次黎親世華食嘢都要叫一條海魚。因為佢哋嘅海鮮真系好新鮮，特別系海魚，款式多之餘仲搭配埋唔同嘅做法，任君選擇。咁今次我哋就叫咗個XO醬海皇煎米粉同生炆海魚。條魚超大一條，勁抵食，魚嘅肉質肥美多汁，唔會話煮的過老或者未夠火候。另外個XO醬海皇煎米粉都非常的美味，香香辣辣帶小小鮮味，令我好懷舊。同埋世華嘅菜款都好多好豐盛，又可中式又可西式，味道都ok。如果唔系，我d咁挑嘴嘅人都唔會做回頭客啦！！

今日同屋企人黎到尖沙咀食飯，就揀咗呢間港式茶餐廳，由尖東N2 出口出，轉右見到間藥房再轉右就到㗎啦！！！我哋一家四口，就叫咗三菜一湯，人均100左右就已經食得好飽。強力推薦佢哋個生炒上肉排，好好食，份量十足，肉多骨少，d配菜唔會太多亦唔會太少(比較唔愛青椒)，d肉又炸得恰到好處，吾會過硬，滋味十足。仲有咖哩牛腩煲都好好味，香港風味。其它菜都吾錯，有家的味道。平時同屋企人或者朋友經過可以試一試。。。。。

上個中秋節同屋企人認真咁揀咗間港式餐廳食飯，於是乎就黎咗世華。🤓其實主要食咗d咩我已經無嗮印象，因為真系隔咗好耐。但系我最記得既系世華餐廳既脆脆咸豬腳，真系好味，個皮好脆，肉好多汁😋😋...........個價錢又好合理。雖然我哋系系中秋節去嘅，食飯嘅人都好多，但係d侍應都好快手咁招呼我哋，帶位，叫嘢食，落單，一氣呵成，唔洗等好耐。所以呢個中秋飯我都同屋企人一齊過的好開心，果然無揀錯餐廳，好啱同屋企人食。☺

本來約朋友尖沙咀食台灣邊邊，後來因為某d原因，揀左呢度。上到樓，無咩人，以為伏，點知又ok。芥蘭松露蝦球，芥蘭很爽口也有味道。咕嚕肉80分，炸得脆脆，波蘿不是罐頭貨。久違了銀針粉炒得乾身也有味道。最後是南乳齋煲和燉湯，不過不失。除蝦球，每款大約80元，碟頭可也大，唔錯

終於有間新開張既茶餐廳試下，其實佢價錢出名好平又聽人講好抵食，所以我地今日下午茶時間，就決定左到去，叫左兩個炒飯，一個黑松露雞粒炒飯，一個唔記得乜野，哈哈兩個飯點夠我地食呀～～～所以我地又再叫多左個百花炒蟹鉗，其實唔想多講因為幾好食，蟹鉗大大隻，一大班人泥食都剛剛好，個蟹鉗脆卜卜，外脆就内軟，好ＹＵＭＭＹ，我絕對冇誇張因為真係好好食，大家一定要試下，而且呢度環境好，燈光又好舒服，坐位又闊落，岩曬一大班人泥

香港有好多好伏的茶餐廳，特別是茶餐廳的小菜，為免中伏，本人都好少會點。但係今次朋友就介紹這店，點都要親身黎試一試有冇伏味，事實上佢同一般茶記一樣有好多唔同嘅選擇，但見朋友今次又特別介紹得，又見到其他食客點嘅都係小菜，心想一定錯不了所以我今晚就點左黑松露炒一口牛，Ｄ牛真係好香，而且仲好有黑松露味，Ｄ牛好有咬口，而且同黑松露好夾，我真係覺得呢次唔伏了，好多謝朋友既推薦，果然係我既最好朋友，大家一家要試下

起尖沙咀地鐵站附近見到有間中餐廳 價錢又唔貴, 於是同朋女朋友就叫左個 咖哩牛腩飯$48 咖哩夠香同濃郁 配飯食一流 牛腩唔會韌 索哂啲咖哩汁 好食！肉不會太乾，但覺得醬汁可以稍為多一點點，飯量十足呀！ 平時去其他地方都要加多碗飯先有可能會撈得哂啲醬汁, 但呢間唔洗加都已經撈得哂, 仲有就係佢地既辣同其他既咖哩唔同, 有一種後勁既辣, 後勁的辣 好好吃, 未試過既朋友可以去試下, 保證一試難忘, 再加上出去茶記是但叫個飯加埋個野飲都已經唔係呢個價, $48蚊就可以食到真係幾抵。

尖沙咀選擇真係唔多，以前喺附近返工到而家都係一樣無咩揀。隨便揀咗世華，見佢有下午茶餐就入去。求求其其叫左個咖喱牛腩飯食下喇, 呢個咖喱牛腩飯個賣相都算唔錯, 咖哩汁的顏色都好好.因為我真係好怕果啲螢光咖哩汁。而咖哩味好香，落重香料。而香料當中，我覺得佢個味道 Balance 得幾好, 同埋幾夠辣, 牛腩係幾有咬口，但又唔會韌，又冇起渣. 佢有四五條左右，切得唔太大舊，入口容易。呢牛腩係幾入味嘅，牛肉味好濃. 不得不提的就是咖喱牛腩不可缺少嘅薯仔.薯仔既份量唔係話好多，但係都幾大舊.質感粉粉的，食到中間有甜味慢慢滲出黎。

適逢父親節當然要帶爸爸同屋企人食餐好慶祝一番！店內環境十分整潔而且座位寬敞舒適坐得寬鬆而呢度既野食亦幾啱屋企人口味最後叫左西蘭花炒龍躉球, 豉汁銀絲蒸元貝4隻, 菠蘿咕嚕肉, 世華小炒皇, 豉汁涼瓜炒牛肉, 鹹魚雞粒豆腐煲同埋乳鴿西蘭花炒龍躉球（孖寶套餐）啖啖肉既龍躉有足足6-7大片味道鮮甜炒得夠鑊氣同時亦不會太多油適合一家老小👍🏻豉汁銀絲蒸元貝4隻（孖寶套餐）眼見侍應準備上枱時已經能聞到濃濃豉汁香氣但如果能多點蒜就更好😝菠蘿咕嚕肉酸甜開胃咕嚕肉炸得夠香口肉質不會過瘦好像豬扒口感般配飯一流🍚世華小炒皇香氣及材料十足包括魷魚酥, 帶子, 韭菜花, 冬菇絲, 蝦乾同埋花生色香味俱全並且夠鑊氣😋豉汁涼瓜炒牛肉牛肉軟滑且份量頗多涼瓜不算苦澀🥒鹹魚雞粒豆腐煲鹹魚味不算濃郁雞粒嫩嫩的與豆腐滑滑的組合配飯一流🍚乳鴿新鮮即叫即製所以熱烘烘令人食指大動外皮脆口肉質嫩滑另外本身已夠入味因此不需額外的調味性價比高值得嘗試

一年一度的父親節同家人過左尖沙咀世華餐廳吃晚飯，是一家歷史悠久的餐廳，現已翻新得光鮮明亮潔淨餐牌裡的選擇都幾多元化先點左兩隻生炸BB乳鴿$28一隻，熱辣辣新鮮炸起，皮薄肉嫩，實在抵食！有個精選孖寶都好化算，＄298 包左兩樣野，分別有1) 豉汁銀絲蒸元貝4隻元貝大大隻，夠鮮甜，面上嘅粉絲吸收左豆豉嘅精華，非常好食2) 西蘭花炒龍躉球龍躉球份量十足，肉質厚實。西蘭花好碧綠，炒得香口世華小炒王材料豐富，分別有大蝦米乾、韭菜花、魷魚、花生、香菇等等，整碟都很夠鑊氣，佐酒一流鹹魚雞粒豆腐煲豆腐和雞粒的份量比例均勻，兩者都很嫩滑，整煲都充滿鹹魚香，佐飯吃一流豉汁涼瓜炒牛肉用豉汁炒得很惹味，牛肉片牛味濃郁菠蘿咕嚕肉餐廳選用了豬肉片而不是肉粒，肥瘦適中，肉質軟林，菠蘿咕嚕汁的酸甜很開胃

世華餐廳在尖沙咀已經很久，每次看到招牌都以為它是西餐廳，近期發現原來已經變身為中菜，因為門口有順德BB鴿做特價$28，當然要試試。地方都很寛闊，而且整齊，坐得舒服。川辣雞煲半隻($168)，雞煲內有很多蔥、蒜頭、芫茜、洋蔥、花椒、羗，所以香氣四溢，味道都幾正宗，想不到做到這麼好👍👍👍👍👍，至於雞件都算乾身而且嫩滑，而且雞件大小適中，一口一件，忍不住加了支靑島啤酒($28)送酒😋💯蝦醬吊桶通菜煲($88)，蝦醬味道十足，吊桶大大只，比通菜還多，蝦醬和吊桶非常之來，果然超值是選。生炸BB鴿兩只($56)，BB鴿皮脆，肉質嫩滑，差不多連骨頭都吃埋，調味得很好。