Délifrance (已結業)

今晚又去咗德福食晚飯，眼見間間餐廳都咁多人，所以去咗偏離商場少少嘅Delifrance Cafe，貪佢夠靜唔多人，無時間限制，又坐得幾舒服。通常兩個人去Delifrance都會揀2人餐，今晚亦唔例外，揀咗$165嘅二人餐。今次嘅二人餐我哋揀咗1)凱薩沙律 x2(2)凍檸蜜x2(3)卡邦尼汁意粉配煙三文魚(4)肉醬千層麵(牛肉)(5)蝴蝶酥配雲呢拿雪糕(今次有送$20現金券下次用)(1)凱薩沙律份量適中，沙律菜切成細塊，方便進食，但如果啲凱薩沙律汁再多少少會好啲。(2)凍檸蜜唔用加錢就有凍檸蜜飲，唔會有好多冰，幾大杯，幾好。（比上次嚟好好多，上次啲蜜糖溶唔到，今次溶咗9成）(3)卡邦尼汁意粉配煙三文魚今次比較失色，卡邦尼汁嘅味道唔太出，似忌廉汁多啲。幸好配料（蘑菇，煙肉）都幾多，啲汁都夠意粉撈，而意粉亦唔會太淋，整體上ok啦。(4)肉醬千層麵(牛肉)視覺上份量唔太多，但食落去都幾飽。有少量沙律伴碟，令千層麵無咁孤獨(?)同無咁滯，不錯。有讚今次嘅千層麵送到嚟嘅時候係好熱，熱食好食好多。（如果芝士多啲仲好）(5)蝴蝶酥配雲呢拿雪糕甜品一般，蝴蝶酥仲係脆嘅，不過啲雪糕冰感太重，所以唔夠滑。