影片
更多
2021-05-21
571 瀏覽
之前幫襯過兩次，無諗過可以被漏單成起碼25分鐘繁忙時間嘅服務混亂1. 準備同叫號唔係按順序我買咗原味飯捲同辣甜蘿蔔然後喺雪櫃拎咗辣甜蘿蔔拎咗飛係213號我一直企喺旁邊等已經覺得少少怪怪地，因為佢哋要號碼唔係順序咁叫但因為我前面有個211號嘅先生佢都未有得拎食物所以都算加上，我見到個姐姐又要落單又要pack食物都唔敢打擾佢直到我開始聽到佢已經開始叫緊220號以上嘅飛而嗰一袋食物入面有飯，都有飯卷我上前講我係213號點知 見到佢喺收銀機旁邊拎咗一條一早已準備好嘅原味飯捲盒辣甜蘿蔔已經喺凍櫃拎出嚟成25分鐘已經完全唔凍其實收銀姐姐好有禮貌不過佢哋唔按單號順序準備同畀食物服務混亂因為佢哋嘅叫號唔係按順序咁叫，所以佢哋亦唔會察覺到自己漏咗邊一張單2. 味道不錯- 原味飯卷有蘿蔔、醃蘿蔔、牛蒡、魚糕片、蛋絲、青瓜，各種味道加起上嚟，層次豐富。- 辣甜蘿蔔甜味同辣味非常之配搭，好惹味調味料唔會吝嗇，值得一讚3. 衛生整體店舖嘅衛生係OK嘅，不過喺凍櫃上面見到有幾盒韓式粉絲係冇冚蓋衛生與否，接唔接受到就見仁見智。結論：如果買唔駛等嘅食物，值得一試！如果買要等待店舖準備嘅食物，就視乎舖頭係唔係多人，如果
無諗過可以被漏單成起碼25分鐘
繁忙時間嘅服務混亂
1. 準備同叫號唔係按順序
我買咗原味飯捲同辣甜蘿蔔
然後喺雪櫃拎咗辣甜蘿蔔
拎咗飛係213號
我一直企喺旁邊等
已經覺得少少怪怪地，
因為佢哋要號碼唔係順序咁叫
但因為我前面有個211號嘅先生
佢都未有得拎食物
所以都算
加上，我見到個姐姐又要落單
又要pack食物都唔敢打擾佢
直到我開始聽到
佢已經開始叫緊220號以上嘅飛
而嗰一袋食物入面有飯，都有飯卷
我上前講我係213號
點知 見到佢喺收銀機旁邊拎咗一條
一早已準備好嘅原味飯捲
盒辣甜蘿蔔已經喺凍櫃拎出嚟成25分鐘
已經完全唔凍
其實收銀姐姐好有禮貌
不過佢哋唔按單號順序準備同畀食物
服務混亂
因為佢哋嘅叫號唔係按順序咁叫，
所以佢哋亦唔會察覺到自己漏咗邊一張單
2. 味道不錯
- 原味飯卷
有蘿蔔、醃蘿蔔、牛蒡、魚糕片、
蛋絲、青瓜，
各種味道加起上嚟，層次豐富。
- 辣甜蘿蔔
甜味同辣味非常之配搭，好惹味
調味料唔會吝嗇，值得一讚
3. 衛生
整體店舖嘅衛生係OK嘅，
不過喺凍櫃上面見到
有幾盒韓式粉絲係冇冚蓋
衛生與否，接唔接受到就見仁見智。
結論：
如果買唔駛等嘅食物，值得一試！
如果買要等待店舖準備嘅食物，就視乎舖頭係唔係多人，如果舖頭已經好繁忙，就唔建議幫襯。
希望佢哋之後會可以 順 序 咁樣去準備同送出食物，唔好令專誠幫襯佢哋嘅人失望啦！加油！
張貼
