Amber Coffee Brewery (已結業)

今日行開中環果一頭，食完午餐飽飽地，但又想飲少少野。於是就上OpenRice搵吓附近有咩咖啡室。搵到呢間，個個都話幾好飲，於是我就抱着好奇嘅心態去試一試。行到去門口，見到簡樸嘅裝修，隱約感受到佢散發嘅內在美。無一件過份雍容華貴，俗氣嘅擺設🤩🤩入到去坐低咗之後，就見到佢嘅餐牌只有寥寥可數嘅咖啡俾我哋選擇，證明佢哋對自己做嘅咖啡好有信心！👍🏼 咁我本身唔係一個飲開咖啡嘅人，所以去咗櫃檯問佢哋意見。佢哋就每一樣嘢飲都介紹一次，仲根據我嘅口味同埋接受程度，就介紹咗一杯叫Flat White既咖啡☕️嚟到之後，發覺佢上面有最經典嘅拉花圖案，雖然佢唔係咩複雜嘅圖案，但係一個成功嘅咖啡師傅，基本功又點會少得呢？👍🏼👍🏼細細一啖，飲到飲到淡淡嘅奶味配上咖啡味，二合為一。咖啡嘅味道香醇，並非一般茶餐廳沖出嚟嘅咖啡！🤤而且杯新又有清淡嘅圖案，襯托出高尚嘅格調。絕對係煩囂鬧市中嘅綠洲！🥰