勝香園

營業中

休息中

中環 - 高樓大廈林立，五光十色，時尚的標記但係城市裏，卻保留了濃濃的人情味和懷舊風味。係樓同樓之間的排檔，簡簡單單但保留住濃厚的舊香港本色，而呢間食店，除左型式上保留懷舊風外，食物的味道都一以貫之，風味依然。由於天氣太熱，先黎杯凍飲真係加曬分。最馳名的一定係呢杯咸檸七。咸檸加埋檸檬🍋，配合得天衣無縫。呢度的檸檬仲會幫人客篤埋先上，包保一定有檸味。而分量唔會因為冰的多少而影響，原罐氣水上，唔駛煩。蕃茄就真係出曬名，叫通粉就係呢隻濃濃蕃茄湯底，而叫麵就會上公仔麵湯加原個蕃茄煮到爛。今次叫左雞扒做餸，但個人都係比較鍾意新鮮牛同煎蛋。最後都一定會點埋脆脆，本身出名就係蜜糖檸檬脆脆，甜酸配合超吸引，但今次食ge奶油脆脆都一樣出色。加上牛油去焗香的脆包超引人留口水，加上煉奶，超濃港式味道出曬黎。中上環的懷舊食美多的是，呢間絕對值得推介的地道味道。