影片
更多
2024-01-08
170 瀏覽
今晚約左朋友放工去聚吓，一齊去試吓呢間串燒，係一間位於荃灣聯仁街的地鋪，位置十分方便，係正大路旁邊，由荃灣西鐵站慢慢行過去都係15分鐘左右，而且佢仲開到凌晨12點，可以坐耐啲都唔怕阻人收工。 入到裏面，整體空間感幾好，座位之間唔太迫，樓底幾高，牆身貼左好多有日本特式的海報同放左好多唔同顏色的酒樽，有一種去朋友家中飲酒聚舊的感覺，整體感覺都幾放鬆。我和朋友坐係餐廳中間的位置，佢啲座位都坐得幾舒服。 餐廳仲有播英文歌，好開心可以一邊聽歌一邊吹水，環境好舒服好放鬆。 之前上網睇過呢間野係出名做串燒同鹽燒野。佢晚市食物好多選擇，包括串燒、烏冬、燒物等等。因為當日天氣比較涼所以想食啲熱野咁，我同朋友叫左以下啲野： 鹽燒手羽一上枱就感覺到佢熱辣辣又夠香。手羽燒到有微焦可以鎖住水份之餘調味夠濃，唔洗額外點汁就已經夠味。 鹽燒五花腩入口唔會太過咸而重要的是沒有雪味同死鹹味，肉質唔會實的的，呢啲係最基本但係反而無乜舖頭做到。 蒜蓉燒生蠔及蛋黃醬焗蠔隻蠔好有肉而且咬落個心度唔腥，夠新鮮，蒜蓉同蛋黃醬嘅加成都令到蠔本身的鮮味提升至另一層次。 燒扇貝扇貝表面焦香，滿口鮮味，底部更以海鹽襯托，扇貝鮮味加上海鹽，
入到裏面，整體空間感幾好，座位之間唔太迫，樓底幾高，牆身貼左好多有日本特式的海報同放左好多唔同顏色的酒樽，有一種去朋友家中飲酒聚舊的感覺，整體感覺都幾放鬆。我和朋友坐係餐廳中間的位置，佢啲座位都坐得幾舒服。
餐廳仲有播英文歌，好開心可以一邊聽歌一邊吹水，環境好舒服好放鬆。
之前上網睇過呢間野係出名做串燒同鹽燒野。佢晚市食物好多選擇，包括串燒、烏冬、燒物等等。因為當日天氣比較涼所以想食啲熱野咁，我同朋友叫左以下啲野：
鹽燒手羽
一上枱就感覺到佢熱辣辣又夠香。手羽燒到有微焦可以鎖住水份之餘調味夠濃，唔洗額外點汁就已經夠味。
鹽燒五花腩
入口唔會太過咸而重要的是沒有雪味同死鹹味，肉質唔會實的的，呢啲係最基本但係反而無乜舖頭做到。
蒜蓉燒生蠔及蛋黃醬焗蠔
隻蠔好有肉而且咬落個心度唔腥，夠新鮮，蒜蓉同蛋黃醬嘅加成都令到蠔本身的鮮味提升至另一層次。
燒扇貝
扇貝表面焦香，滿口鮮味，底部更以海鹽襯托，扇貝鮮味加上海鹽，並帶有絲絲焦香，十分滋味。
汁燒牛舌尖
牛舌本身肉味重而且肉質彈牙，加上汁醬令到其味道同口感更上一層樓。
豚肉本菇卷
豚肉本菇卷本身是一道精緻的菜品，蔬菜的爽加上豬肉的嫩，味道清爽而鮮。
照燒雞扒飯
唔叫都唔知其實好抵食，50蚊左右就叫到，大大塊雞扒加埋照燒汁攪到連啲飯都見唔到，面頭再配上白色的芝麻令到碗飯更香，十分好味。
吉列豬扒烏冬
湯底清甜，吉列豬扒入口外脆而肉質鬆化，烏冬彈牙有咬口，整體感覺十分滿足。
飲品(熱話梅蜜)
朋有叫左一杯暖暖的熱話梅蜜，甜中帶着話梅的酸，十分夾同好飲，仲可以消吓食左咁多油炸野之後的油膩感。
特別值得一提的是餐廳用的碗並不是普通野，是顏色帶有少少淡黃色的黑色手工陶瓷器具，成隻碗邊構成一個不規則而且有高低起伏形型態，十分有心思。
呢間餐廳仲有好多食物都未試，下次再同朋友去試過其他野先。
張貼
