Gontran Cherrier (Cafe) (已結業)

早已聞名全港嘅Gontran Cherrier牛角包買過好幾次，但係得閒喺同系間cafe坐低嘆杯咖啡都係第一次。Cafe只有商場走道設置嘅座位，但都有種喺巴黎街頭隨意坐坐嘅悠閒風，感覺唔錯，亦都可以望到新鮮由廚房製作嘅麵包甜點。叫左一杯regular coffee同一杯mocha，mocha適合喜歡奶味較重嘅朋友。最頂嘅奶泡甚為綿密且香氣濃郁，反而咖啡味就有啲被蓋過，較似一杯朱古力奶都講一下bakery嘅芝士火腿牛角包，芝士同火腿本身都係好夾嘅配搭，蛋黃醬令整個包甜鹹交錯，罪惡感十足都唔理了。至於牛角酥版本嘅腸仔包都好酥脆，黑椒帶些微辣度夠刺激，飲番啖咖啡就剛好。