Homeland (牡丹大廈) (已搬遷) 新店位置

又黎食lunch！💛今次我哋叫咗肉醬芝士四重奏千層麵，因為需要焗製，等左大概十分鐘。千層麵上面有好大塊🧀芝士鋪喺面，每層中間都有足夠嘅肉碎加埋🥫蕃茄醬，好有口感！啱晒鍾意食芝士同蕃茄醬嘅人！整體黎講千層麵賣相同味道都唔錯，而且分量好多，要兩個人share先食得哂，好抵食！！伊比利亞卡邦尼意粉好多芝士碎係面，D豬鹹鹹地幾好味。另外仲叫咗自選醬料雞翼兩份，每份有三隻 。叫咗明太子味同埋鹹蛋黃味，雞翼雖然炸過，但入邊既雞肉仲好Juicy，而明太子同鹹蛋黃嘅味都好入味，好match！會繼續幫襯💛🤟🏻。