南翔饅頭店 (已結業)

為免等位食飯等到自己煩躁，入到餐廳後係咁挑人骨頭，所以今次都係選擇可以用VIP咭訂位的南翔。除咗人手好似緊拙咗d，要睇準時機叫人落單，其他都好ok。負責我哋張枱個waitress雖然好忙，但依然好好笑容又有禮貌，仲識自動幫我CHECK單睇有冇食物未嚟。食到差不多個經理仲幫我哋清理張枱上甜品，肯落手落腳同員工一齊努力的主管真係唔多，最睇唔過眼d經理淨係識點人做扮到高高在上‧‧‧食物味道都keep到，不過就好快凍，真係要趁熱食。6個人食到飽飽先5百蚊，中菜嚟講真係好抵！