火山燒 (已結業)

吃了不少價錢相約的燒肉店放題，但覺得火山燒啲肉幾合口味，今晚帶生日朋友來食個飽，生日嘛，梗系要食好西！沙律必叫，因不能淨係食肉，沙律可清清腸胃之餘，酸酸地又可當下開胃菜，所謂一舉兩得。海鮮攞黎燒好像有點浪費，火候好難控制呀，是晚的青口同蠔比我燒燶左，乾哂。鯖魚則燒得唔錯，魚肉嫩滑。牛同豬肉梗系唔少得，肥美甘香，燒一燒落少少醬已經好好味，又易燒唔痴爐。其他串燒，芝士年糕燒完唔芝士爆出黎勁燙口，甜蛋超正，仲有呢個糯米棒都係，一邊用慢火烘佢，一邊加甜醬，勁好味呀。其他串燒2，燒雞翼，我鍾意食～仲有多春魚，墨魚咀，魷魚鬚等，好多野燒。哈哈，我至愛的餃子同章魚小丸子，自己燒都好好味㗎。飲品要加廿十蚊先有任飲，三十有埋啤酒。飲兩罐烏龍茶都喺返度，都係加錢任飲抵啦。至愛食雞的朋友點了半隻燒春雞，已預先加了香草燒熟，只放在爐上烤一烤已食得，皮香肉嫩。一開始勁肚餓梗系要放到密密麻麻啦，第一轉等啲石熱都要啲時間。要好好善用每一個空間 好香呀好香呀，簡直有街邊串燒嘅水準啦。食到尾聲又係時候燒下菠蘿，超勁甜！！唔使落蜜糖都甜到漏，勁正勁正。大滿足嘅一餐，有肉有海鮮有蔬菜燒，仲有唔少小食，好飽好飽。