Petits (已結業)

始終保持半病狀態。但假期前心情興奮，又得到OR送出免費戲票，放工後又去了這個好近我的靚Mall睇戲食飯!　抵達圓方時間還早，龍又要加班未到，換了戲票後一個人到處逛逛，行著行著又來到這間精美的cupcake專門店。時間尚早關係，是晚款式齊全，忍不住買了三款：　New York Cheese-根本是件芝士蛋糕來的!頂層奶白色的是cream cheese，底層是微濕的香濃芝士餅，芝士餅粉絲不可錯過!　Strawberry-雖然愛甜，但其實幾怕齋甜的草莓忌廉。但原來cupcake中間有酸酸甜甜的夾心，令味道更豐富滋味，有驚喜!　Chestnut-粟子蓉夠香甜，其他無特別，算是三件中較失色的一款。　想不到龍遲了成個鐘頭才到，睇戲前根本沒時間吃飯，好在有幾件cake打底咋!