大同韓燒 (已結業)

又係黎食媽媽最愛嘅韓燒以前細個住喺大角咀，今日媽媽帶我返嚟呢度附近探朋友，所以喺附近食埋飯。經過呢間鋪頭，見到晚市燒烤自助晚餐每位$168 ，價錢合宜，於是就試試。食物種類都可以，肉類款式都算多。除咗燒肉，都有一系列熟食的選擇，最啱邊食邊燒！仲有壽司。另外，店員都會問你食唔食三文魚刺身，我拎咗一份。食下食下嘅時候，店員拎咗一份炸左口魚俾我哋，好好味呀，新鮮炸起，好香脆。另外，店舖仲有甜品食，芒果布甸好味，食咗兩個，除咗呢啲，仲有雪糕杯同綠茶糯米糍食。