壽司處今村 (已結業)

食lunch, 可能今次去晏左啦(一點半), 乜都無叫自選十件, 一睇張紙已經無左象拔蚌, 赤貝同另外兩種魚(但我坐吧台, 明明見佢個雪櫃有象拔蚌?!)order完先話我地聽原來連海膽都無埋!我地好不滿, 其中一個後生師傅仲駁我地話仲有好多其他選擇, 係另一位年長既比較識做, 話俾返多一件大toro補償(原本只限點一件)今村師傅唔係度, 壽司當然握得唔好, 食完成隻碟都係飯粒(但都好過以前, 試過有次直程一夾就散)值得讚既係佢地既天婦羅, 我覺得好食過天yoshi(雖然隻蝦細隻左d)差不多價錢, 都係去壽司廣啦, lunch set選擇又多d