樂園 (已搬遷) 新店位置

今日係同男友嘅相識紀念日💏，佢又好好咁為我準備咗餐好sweet嘅晚餐啦😙。雖然呢度唔係啲咩fine dining，只係一間位於尖沙咀嘅樓上cafe，但係食得好開心好sweet，皆因呢度叫Happyland，成間店都好似樂園咁🎠🎡🎢，裝修七彩繽紛，每張檯都有糖🍬🍭比你任食，店內仲有board game🎲比你玩，鍾意貓嘅朋友仲可以同貓咪玩添🐺。男友點咗呢度最出名嘅廚師發板，一上檯我已經不禁譁然，有9種唔同食物，旁邊有乾冰同花花🌸🌻伴碟，整到好似成幅畫咁好靚，上面仲寫上祝福字句，男友已經一早準備咗字句啦！So sweet sweet😍！打卡影張肯定呃到唔少like👍。店員話食嘅時候都要有程序㗎，首先食咗幾款熱盤先：包括牛油檸檬汁煎帶子刺身、香煎加拿大特大號虎蝦🦐、黑魚子鵝肝多士、蒜片配香煎安格斯牛柳，食嘅時候可以點番旁邊嘅牛肉汁，食完熱盤就食番個烈酒煮布冧消油膩感，之後再食冷盤，冷盤有鹽水煮榮螺🐚、蟹棒🦀、戀之花煙三文魚、和風雜菜沙律🥗。真係又睇得，又食得！店員仲好主動幫我哋影咗張靚相添📸。小食醬爆雞翼好香脆，肉汁好juicy。伴碟都好靚呀黑松露鮮菇意大利飯好多黑松露，mix埋落啲飯度好香。