黃埔小廚 (已結業)

係openrice俾佢嘅食評吸引左，見佢好似好推介海鮮，另外小菜都幾多選擇，就去試試。入去坐低落單之後，送左兩個例湯，同平時茶餐廳例湯一樣正正常常，唔會有太大要求。豉椒炒蜆蜆唔算好鮮味，但勝在無沙同鍋氣10足。椰菜炒回鍋肉呢個餸反而幾特別。除先會將回鍋肉先炒至比較乾身，再加椰菜同其他調味。呢個做法食落唔同材料會比較分明。整體每碟餸都好大份，小菜造得唔錯，性價比都可以。環境就比較地道，相信都係做街坊生意為主。