影片
更多
2022-07-19
247 瀏覽
📍「Silver Lining Coffee Workshop」- 西營盤今次食食食之旅黎到西營盤😌西營盤出名多cafe 架啦❗️之前係IG見到呢間主打健康飲食同手沖咖啡嘅純白cafe 🤍，當然要去試吓啦😌順便打下卡影下靚相📸🌾👩🏻🍳餐廳位於西營盤第二街，係一間家庭式經營，主打原型無加工食物、低醣飲食、精品coffee、低糖甜品，岩哂中意健康嘅👧🏻🥗☕本身覺得店面幾特別，同老闆傾咗計之後先知原來Silver Lining 代表希望、曙光，佢哋想透過提供有質素嘅咖啡、健康食物，令客人感覺無負擔、開心、健康，好有愛💖老闆仲係精品咖啡協會嘅香港導師，佢更會提供教學workshop，有興趣嘅朋友仔都可以報名☕️🤗📷整個cafe 走純白風🤍，簡單潔淨，座位都幾闊落，富有空間感，坐得好舒服，仲有播住啲輕音樂，好岩同情人/閨蜜chill下傾下計，又可以影靚相📸👯♀️🍴Healthy All Day Breakfast （椰菜花飯配慢煮雞、炒大啡菇、烤南瓜、烚蛋🥗）💰HK$126✨推薦指數：9.5/10平時嘅ADB閒閒哋都成800-1000卡，呢度嘅ADB走健康低醣路線，食完都唔會有罪惡感😇呢度嘅慢煮雞
今次食食食之旅黎到西營盤😌
西營盤出名多cafe 架啦❗️之前係IG見到呢間主打健康飲食同手沖咖啡嘅純白cafe 🤍，當然要去試吓啦😌順便打下卡影下靚相📸🌾
👩🏻🍳餐廳位於西營盤第二街，係一間家庭式經營，主打原型無加工食物、低醣飲食、精品coffee、低糖甜品，岩哂中意健康嘅👧🏻🥗☕
本身覺得店面幾特別，同老闆傾咗計之後先知原來Silver Lining 代表希望、曙光，佢哋想透過提供有質素嘅咖啡、健康食物，令客人感覺無負擔、開心、健康，好有愛💖
老闆仲係精品咖啡協會嘅香港導師，佢更會提供教學workshop，有興趣嘅朋友仔都可以報名☕️🤗
📷整個cafe 走純白風🤍，簡單潔淨，座位都幾闊落，富有空間感，坐得好舒服，仲有播住啲輕音樂，好岩同情人/閨蜜chill下傾下計，又可以影靚相📸👯♀️
21 瀏覽
0 讚好
0 留言
🍴Healthy All Day Breakfast （椰菜花飯配慢煮雞、炒大啡菇、烤南瓜、烚蛋🥗）
💰HK$126
✨推薦指數：9.5/10
平時嘅ADB閒閒哋都成800-1000卡，呢度嘅ADB走健康低醣路線，食完都唔會有罪惡感😇
呢度嘅慢煮雞真係好好食‼️首先份量好多，有5️⃣大塊，用慢煮嘅方法保持肉質嘅嫩滑，所以食落仲係好juicy，一啲都唔鞋，而且調味亦做得相當岀色，多咗啲黑椒、薑蓉調味，好夾🤤
炒大啡菇都好正，使得好濕潤，完全唔似平時個啲乾淨淨🥰
椰菜花飯連埋紅蘿蔔粒、洋蔥粒等一齊炒，聽老闆講係老闆娘每朝早新鮮整，所以仲可以保持濕潤感，唔會太乾😋
烚蛋唔會過熟，加咗少少黑椒係面調味，健康👍🏻
烤南瓜好濕潤，而且好甜🤗
新鮮日本沙律菜，落左柚子醬，柚子醬唔會話太多，但係都可以食到柚子香味，再配上nuts ，甜甜哋好fresh 又crunchy ，層次豐富😘
呢個ADB可以話暫時係👧🏻嘅世一，樣樣都好正😍
Healthy All Day Breakfast
19 瀏覽
0 讚好
0 留言
🍴慢煮雞意粉（自家製南瓜醬）+沙律
💰HK$96
✨推薦指數：9/10
慢煮雞實在太好食，所以呢度又再嗌🤭
意粉煮得岩岩好，夠淋身，連埋自家製嘅南瓜醬，清清哋帶有南瓜自帶嘅甜味，而且每條都好掛汁，健康得嚟又滿足😇
慢煮雞意粉
38 瀏覽
0 讚好
0 留言
🍴Matcha Lemonade🍵🍋
💰HK$46 （Brunch -$10)
✨推薦指數：10/10
首先呢杯賣相真係勁勁勁靚🤩
上面個part係小山園抺茶粉沖出嚟，中間係lemonade 🍋，底部係柚子soda，睇住老闆由沖開抹茶粉，到完成呢杯飲品好治癒🥰
呢杯飲品有兩種飲法，第一種係先飲面層既matcha試下佢既味道，飲落抹茶味好香濃幾帶有少少回甘😋第二種係搞均之後一齊飲，Lemonade 嘅酸味、柚子嘅甜味撞埋抹茶嘅甘味，飲落好香甜好fresh，夏天飲一流💯💯💯
Matcha Lemonade
14 瀏覽
0 讚好
0 留言
Matcha Lemonade
6 瀏覽
0 讚好
0 留言
Matcha Lemonade
12 瀏覽
0 讚好
0 留言
🍴手沖咖啡（Ethiopia)
💰HK$70 （Brunch -$10)
✨推薦指數：9/10
老闆係精品咖啡嘅香港導師，又點可以唔試佢嘅招牌手沖咖啡呢‼️☕️😎
老闆超詳細咁介紹咗唔同咖啡豆嘅特性，最後我哋揀咗Ethiopia嘅咖啡豆🥰
呢款聞落咖啡豆味好香，飲落帶有水果嘅酸甜味，但又好易入口🤗
佢仲轉登用咗兩隻唔同嘅杯去裝，一隻係直身啲，一隻係斜身啲，原因係唔同嘅杯飲落去嘅濃度會有少少唔同，我哋先知原來一杯咖啡用唔同嘅杯都可以帶出唔同嘅感覺🤩☕️
手沖咖啡
2 瀏覽
0 讚好
0 留言
手沖咖啡
16 瀏覽
0 讚好
0 留言
🍴Apple crumble with Vanilla ice cream
💰HK$62
✨推薦指數：9/10
呢度嘅甜品全部都係自家製😋
估唔到呢款好有驚喜‼️平時👧🏻係唔食蘋果嘅甜品，因為唔中意肉桂味😋老闆娘推介呢款話係無落肉桂，用咗青蘋果同紅蘋果做底，面頭係用麵粉同牛油製成嘅脆脆，充滿牛油香，中間係雲呢拿雪糕，賣相好靚😋
凍冰冰嘅雲尼拿雪配上酸酸甜甜、焗熱咗嘅青紅蘋果🍎撈埋一齊食，又熱又凍好爽😋
Apple crumble
12 瀏覽
0 讚好
0 留言
🍴Authenic Tiramisu
💰HK$60
✨推薦指數：8/10
少甜Tiramisu 都係主打甜品之一🤩
首先賣相好吸引，最面鋪滿可可粉，連埋厚厚嘅Mascarpone Cheese 呈半流心狀態😍🤤
食落咖啡味超香濃超出，帶少少苦澀味，相信係Espresso 嘅比例比較重，ladyfinger 嘅口感非常濕潤鬆軟，就算食完都唔會好漏咁，岩哂咖啡控呀☕️🥰
Tiramisu
5 瀏覽
0 讚好
0 留言
👦🏻👧🏻💬好中意呢間小店嘅style，老闆同老闆娘超nice，好詳細介紹每款食物同飲品，係滿滿嘅人情味💕💕💕今次得兩個人試唔哂想食嘅，有機會仲想試埋其他‼😋️
張貼
