影片
更多
2017-08-23
437 瀏覽
我娘好喜歡吃紙包蛋糕，所以每次見到紙包蛋糕都會諗起娘親。是日同9月上N班嘅女女去太子買校服，行過一間麵包鋪，幾得意喎，有朱古力味同紫薯味紙包蛋糕！再睇下貴寶號先… 超群麵包西餅… 超群麵包西餅﹖wait a minute！超群！﹖唔係執晒喇咩﹖定係同名嘅鋪頭﹖是旦啦，掉低丈夫同個女喺街就自己衝入去買個紙包蛋糕嚟試下先！入到去見到D包都焗得幾企理，令人食慾大增！咦﹖有曲奇皮蛋撻！買嚟試下先！見到有個酸瓜熱狗包，啱丈夫食，買埋佢啦！出到去，人山人海，行埋一邊先食。問丈夫個酸瓜熱狗包點，佢無咩評語，不過有時買包比佢佢見唔啱心水就寧願餓死都唔食，尼個食晒，應該都唔差得去邊。個蛋撻呢，夠脆，不過略嫌香味唔夠，蛋香爭少少。而個紙包蛋糕呢，先講紫薯，其實初食唔係好覺有紫薯味，但愈食個味就愈出，所以要試多兩啖，同埋個 texture 係同平時紙包蛋糕唔同，係軟身少少又杰少少，好似真係有少少食緊紫薯咁嘅感覺。因為食咗紫薯味紙包蛋糕，相對個朱古力味又無咁特別，不過佢係一個好食嘅紙包蛋糕。個皮好好食，可以成塊起出嚟，個蛋糕嘅質感比平時買到嘅實少少，但係又軟綿綿，下次有機會行過再試埋其他麵包先！
是日同9月上N班嘅女女去太子買校服，行過一間麵包鋪，幾得意喎，有朱古力味同紫薯味紙包蛋糕！再睇下貴寶號先… 超群麵包西餅… 超群麵包西餅﹖wait a minute！超群！﹖唔係執晒喇咩﹖定係同名嘅鋪頭﹖
是旦啦，掉低丈夫同個女喺街就自己衝入去買個紙包蛋糕嚟試下先！
入到去見到D包都焗得幾企理，令人食慾大增！咦﹖有曲奇皮蛋撻！買嚟試下先！見到有個酸瓜熱狗包，啱丈夫食，買埋佢啦！
出到去，人山人海，行埋一邊先食。
問丈夫個酸瓜熱狗包點，佢無咩評語，不過有時買包比佢佢見唔啱心水就寧願餓死都唔食，尼個食晒，應該都唔差得去邊。個蛋撻呢，夠脆，不過略嫌香味唔夠，蛋香爭少少。
而個紙包蛋糕呢，先講紫薯，其實初食唔係好覺有紫薯味，但愈食個味就愈出，所以要試多兩啖，同埋個 texture 係同平時紙包蛋糕唔同，係軟身少少又杰少少，好似真係有少少食緊紫薯咁嘅感覺。因為食咗紫薯味紙包蛋糕，相對個朱古力味又無咁特別，不過佢係一個好食嘅紙包蛋糕。個皮好好食，可以成塊起出嚟，個蛋糕嘅質感比平時買到嘅實少少，但係又軟綿綿，下次有機會行過再試埋其他麵包先！
張貼
