超羣麵包西餅 (金寶樓)

營業中

休息中

佢賣一串串嘅雞旦仔，收左錢之後就會叫你企喺條街度曬住太陽等，咁如果你整得爽手係無問題，但佢又唔係喎，問佢係咪整緊㗎，佢話係，但其實係講大話根本未整，等得太耐入返佢舖頭等，佢會望到你實一實覺得你阻住做生意。攪成咁，唔怪之得佢必須要你企喺條街度等佢。做咩姐，唔該唔好侮辱超羣個名同鷄旦仔啦。作為香港人，對依兩樣野都有種情意結、有集體回憶。 如果作為遊客， 呢種係咪我地想俾人香港嘅印象？ 唔明點解4、5個員都攪唔𠶧，非常失望，下次就算小朋友很想食，都不了。

最近去花墟，經過「超羣」就試下佢哋嘅巴斯克芝士蛋糕🧁。🧀 巴斯克芝士蛋糕性價比極高之選！外層微微焦糖色，內裡滑溜綿密，口感creamy而不膩。芝士味濃郁，帶有少少甜味，加埋Basque cheesecake signature 蛋味，每一啖都好滿足😋。如果你哋未試過「超羣麵包西餅」嘅巴斯克芝士蛋糕，真係值得一試！

昨晚臨瞓前在電視上見到一款熱賣食品「天下第一包」，於是我立刻上網購買了幾盒。這款麵包其命名令人注目，究竟會否否誇張形容呢？今天下午茶的時候，與同事們分享了這款食品。麵包外表看起來相當普通，呈圓形，直徑約三吋。讓我來分三個層次來介紹它。首先，麵包的第一層，咬下去的感覺非常柔軟綿密，質量看來並不普通。接下來是麵包的第二層，這一層是白色的麻糬。然而，我並未能感受到明顯的味道，但口感卻非常彈性有嚼勁，讓人愛不釋口。最後是麵包的第三層，也就是流心奶黃層。這層充滿著濃郁的蛋黃香味，讓人垂涎欲滴。然而，在享用的過程中需小心溫度，以免燙傷口腔，同時也要注意不要溢出來弄髒周圍。總的來說，這款麵包雖然外觀平平無奇，但內在的驚喜讓人驚艷…尤其是第一層與第二層的融合，絕對是一大亮點。最可惜的是這個麵包「超甜」，我估計有20克糖，唯搜尋官網後沒有公開該比例。P.S. 今次食嘅時候發現有兩小片雞蛋蛋殼，但係昨天電視介紹第三層次的流心蛋黃是經過N次篩溜，以保持幼滑感覺，這點令我不知如何解釋！

嘩，今次去超群試咗幾款經典，完全係重溫童年滋味！雞批，真係唔同凡響，外皮酥脆得嚟唔悶氣，啖啖肉嘅餡料密實得嚟又多汁💦，啖啖都好滿足。食嗰陣真係有種"畀五個讚"嘅衝動！蛋撻就算放咗咁耐，蛋醬依然冇塌，咬落去牛油香四溢，真係"正"！紫薯撻紫薯大福嘅味道，亦都係驚喜萬分👍🏻。高貴嘅伯爵茶味撲鼻而來，咬落去個mochi既Q又彈牙，撲面而來嘅茶香令人心曠神怡。下次一定會繼續追住超群嘅新口味，唔止因為味道好，佢地每次都能夠帶比我唔同嘅驚喜🎉。食過之後真係覺得今日無白行，隨時又想過嚟"掃貨"多輪！

超羣剛好在車站附近，經過都好想買，特別是蛋撻，買6個比買1個便宜一點，就買了6個跟家人分享。首先外表圓轆轆好得意好吸引；然後撻皮是牛油皮 超鬆脆，有輕微牛油的咸咸地，而且乾身 不會好油膩；蛋漿夠厚夠多，好滑溜，不過蛋香一般。

D197貓山王榴槤忌廉卷 $59未開外袋已經聞到榴槤味榴槤肉不是平均地覆蓋整個忌廉卷，所以有啲部份會比較少的榴槤肉。榴槤肉好香，裏面的忌廉好滑而且唔係好甜。綠色的外層蛋糕好普通，本身還以為係斑蘭味。

行花墟經常經過超群餅店，平時買是最普通一款的芝士蛋糕，今次見到有一款叫巴斯克芝士蛋糕，還有三款味道選擇。我喜歡抹茶所以選了小園山抹茶味帶回家。蛋糕外型細細，但拿上手卻感到重重的，份量不少。回家打開包裹著的紙，圓圓的芝士蛋糕完整出現眼前，從中央的微金黃慢慢化開至周邊的褐色黃的面層，芝士氣味滲出來。切開蛋糕後見到綠色的抹茶充塞了整個內層。把蛋糕往咀裏送，即時體驗了蛋糕的綿密感，非常幼滑濕潤，滿口的濃郁抹茶味與芝士味合而為一，確是十分美味。

鍾意《超羣麵包西餅》嘅蛋撻，因為佢嘅撻係曲奇皮底，食完罪惡感無咁大😈👀”芳叔蛋撻”啲蛋震騰騰，曲奇皮底焗得香口👅一啖咬落去，滿口🧈牛油香同🥚蛋香😋食咗”芳叔蛋撻”接近10年，幫襯過佢唔同嘅分店（港島、九龍、新界嘅分店都幫襯過，雖然有啲店舖宜家結咗業），水準依舊👍🏻有時仲會專登等佢新鮮出爐，熱辣辣🔥，食落嘅滿足感就更大～～～😌😌😌就算買嘅時候”芳叔蛋撻”已經凍咗，返屋企焗番熱嚟食都一樣好好味😋

長期都好多人買嘢餅店 最出名最受歡迎應該係椰撻 屋企人都成日買今次見芝士蛋糕做優惠 $35/2個買咗2隻味 一個係南瓜 一個係雙重芝士Size係迷你嘅 但係可以一切8件 同人分享 自己食半個又唔太膩或者甜🎃南瓜嗰個上面有南瓜籽既🧀芝士嗰個上面有芝士粉🍰蛋糕質感幾鬆軟 不過我雪咗 所以硬咗少少 味道上面就幾香芝士味嘅 同時又唔過份濃最特別係中間有舊好似好似硬芝士咁 個底有層餅所以中間位實啲雖然未至於好好食嘅芝士蛋糕 但係依個價錢黎講算唔錯可以滿足吓甜品癮😋

每次去花墟買花，最後總會行落去超群.兒時最多接觸嘅西餅店，就係超群，果種牛油味成為兒時回憶，所以知道太子有分店，繼續支持落去幫襯.由於雞蛋仔唔係我杯茶，又多人排隊買，再加上雞批出色，所以每次最少買兩個.雞批最出色在於佢嘅外層，食過不少雞批，外層總係入哂氣潮哂，唔夠乾身唔夠脆，食落好胡口，超群嘅外層，入口夠乾身，甚至有種食曲奇餅嘅感覺，所以即使價錢唔平，但都無阻繼續幫襯.雞批餡料足，無偷工減料，滿分.可惜蛋撻無提供我中意嘅酥皮，但老婆中意牛油皮，所以買多個俾佢，最驚訝係，老婆放工返屋企食，已經係三個鐘后嘅事，個蛋撻蛋醬部份完美無下陷仍然飽滿，唔似其他餅店嘅蛋撻，轉頭中間已經出現裂痕下陷，讚！總覺得超群D蛋撻比較大個D,可能係我錯覺吧！

店舖位於花園街，附近都係賣花嘅舖頭，每次經過都逼滿人，店舖環境較細。入去兜咗圈😆，睇中呢款牛油曲奇。因為我勁鐘意食好重牛油味既曲奇，所以揀咗招牌牛油口味，買咗半磅一試，拎到返屋企搵個磅量咗連包裝有238克重，比半磅仲重咗啲啲。味道上令我好失望☹️，唔係我想要嘅味道，明明我係買牛油味曲奇，但竟然一啲牛油香都冇😩？相比牛油味，食落蛋味更濃，曲奇設計成貝殼形狀，size比起一般曲奇要大粒啲，一口咬落無論鬆化度、酥脆度都屬一般，所以整體而言真係好普通既曲奇，要稱得上招牌還差一點距離🙄。

我認識超羣麵包店係熱賣紫薯撻開始，自此之後我每逢假日喺旺角花墟買完花就會嚟呢度，剛好每次都撞正有新鮮出爐嘅芝士蛋糕，超吸引！佢有分大小size ，今次我買左迷你版 $30 2個，蛋糕帶微微濕潤，口感實在，唔係空氣感個種，同時散發出淡淡芝士味，我自己就算一次過食半個都唔會覺得膩，當小食放喺屋企真係唔錯😋

每次行花墟都會經過這間餅店，新鮮出爐的蛋糕香氣四散，確實很吸引，有時沒有買係唔想行街攞住個蛋糕咁麻煩。今日唔使行街買完直接回家，於是就買左條朱古力雲石蛋糕。店員問要唔要切開一件件，我話好，方便食用。整條蛋糕沒有用膠盒盛載，原條放入膠袋拿走。蛋糕很鬆軟，面層有朱古力粒粒，內層有不規則的朱古力條紋，像一片雲石塊，底層朱古力味更濃郁，味道不會太甜，蛋糕有很香的牛油味，吃上一口令人感覺愉快。

期待咗好耐第一次試食，因為平時都好多人買。但係真係好失望，雞蛋仔係即叫即做嘅，等左三分鐘，我見職員都有放涼一陣。我買返公司只係幾分鐘時間，袋口一直打開，但雞蛋仔口感已經係又軟又淋，佢唔係之前啲食評講空心既，但成包得一粒雞蛋仔既邊有少少脆，真係未食過咁難食既雞蛋仔！價錢$20如果好食都合理，不過真係難食。

今日行花墟, 時間尚早, 經過超羣門口, 已聞到陣陣的焗麵包香. 見人沒太多, 買了一件芝士撻來試試.其實拿到手上只有一絲暖意, 當然要趁熱食！ 買的原因主要被它的賣相吸引, 在目測下, 撻底及外皮是厚厚的, 芝士好豐滿, 漲卜卜的, 真的令人好有暇想呢！可惜, 一切隨着咬的第一口而煙消雲散！ 皮厚但易碎, 似曲奇餅的口感, 油膩感好重. 除了表面薄薄的一層芝士外, 裡面的似蛋糕多些, 較乾的, 沒有芝士味. 在撻的底部還有一層薄的朱古力醬, 增加了撻的甜度.