影片
更多
2018-09-28
1627 瀏覽
2018年9月26日。西營盤。晴。西營盤站開通咗好一段時間，多咗好多餐廳進駐呢區呢日就來到呢間好有特色嘅餐廳打邊爐鋪位離西營盤站有少少距離，但都唔難搵招牌好簡單，淨係寫咗「616」三個數目字餐廳嘅裝修同擺設都充滿舊香港風味，仲有幾個特別嘅「包廂」位又幾得意喎坐低之後就睇到枱面張餐紙介紹咗隻牛牛唔同部位嘅名，仲有建議淥嘅時間唔睇都唔知牛肉原來有咁多名堂點嘢食就用iPad，方便快捷！撳入去每款食物icon度仲會有簡短嘅介紹，服務好貼心喔～落咗單，趁湯底、食物未到，過去混個醬先～醬料選擇好多元化，其中最特別嘅係有青色嘅小柑（定青檸？無攞到所以唔知）另外有兩款醬料都好特別呢個秘製牛肉汁非常鮮甜！好好味～唔鍾意太甜嘅可以用呢個鮮牛油醬油，鹹鹹地之餘仲有些少牛油香湯底嗌咗雙拼，酸辣湯底同牛骨清湯個湯一擺上枱面就聞到好香嘅青檸味喺酸辣湯底度傳出，即係流晒口水未淥嘢食就已經先飲一碗湯，夠濃味，正！清湯就係嗌俾唔食辣嘅同行友人嘅，牛味頗濃，湯底有粟米嘅鮮甜牛肉方面嗌咗一份封門柳、一份牛駝峰、一份滑尾龍同一份匙柄好快就送到封門柳喺餐牌度歸類為罕有物，食落覺得肉質較實，一塊嘅size都幾大，唔會有羶味牛駝峰
西營盤站開通咗好一段時間，多咗好多餐廳進駐呢區
呢日就來到呢間好有特色嘅餐廳打邊爐
鋪位離西營盤站有少少距離，但都唔難搵
招牌好簡單，淨係寫咗「616」三個數目字
餐廳嘅裝修同擺設都充滿舊香港風味，仲有幾個特別嘅「包廂」位
又幾得意喎
坐低之後就睇到枱面張餐紙介紹咗隻牛牛唔同部位嘅名，仲有建議淥嘅時間
唔睇都唔知牛肉原來有咁多名堂
點嘢食就用iPad，方便快捷！
撳入去每款食物icon度仲會有簡短嘅介紹，服務好貼心喔～
落咗單，趁湯底、食物未到，過去混個醬先～
醬料選擇好多元化，其中最特別嘅係有青色嘅小柑（定青檸？無攞到所以唔知）
另外有兩款醬料都好特別
呢個秘製牛肉汁非常鮮甜！好好味～
唔鍾意太甜嘅可以用呢個鮮牛油醬油，鹹鹹地之餘仲有些少牛油香
酸辣湯底+牛骨清湯
$78
54 瀏覽
0 讚好
0 留言
湯底嗌咗雙拼，酸辣湯底同牛骨清湯
個湯一擺上枱面就聞到好香嘅青檸味喺酸辣湯底度傳出，即係流晒口水
未淥嘢食就已經先飲一碗湯，夠濃味，正！
清湯就係嗌俾唔食辣嘅同行友人嘅，牛味頗濃，湯底有粟米嘅鮮甜
封門柳
$68
70 瀏覽
0 讚好
0 留言
牛肉方面嗌咗一份封門柳、一份牛駝峰、一份滑尾龍同一份匙柄
好快就送到
封門柳喺餐牌度歸類為罕有物，食落覺得肉質較實，一塊嘅size都幾大，唔會有羶味
牛駝峰睇落嘅脂肪比例較高，色澤係粉紅色嘅～係幾個部位入面我最鍾意嘅，因為佢食落好滑溜，亦唔會有牛羶味，好味！
匙柄
$48
75 瀏覽
0 讚好
0 留言
原來唔同部位嘅牛肉連啲色澤都唔同㗎喎！
匙柄呢個名好特別，唔知呢部分牛肉點解會係咁嘅名呢？匙柄係一片厚肉喺中間再切一刀，擹開咁上嘅，唔會韌，亦唔嚡口，牛味濃郁，係友人覺得最好味嘅一個部位，之後仲encore咗一碟！
滑尾龍
$48
112 瀏覽
0 讚好
0 留言
滑尾龍就要撈埋隻蛋嘅～
尾龍肉較厚，感覺要淥耐啲，肉質嫩滑，再加埋蛋漿就錦上添花啦～
水蓮菜
$28
95 瀏覽
0 讚好
0 留言
仲嗌咗個水蓮菜，平時好似好少見呢個菜
第一次食，口感又幾得意喎
好爽脆，無青味，多汁清甜，無食過嘅不妨一試！
張貼
