影片
更多
2021-07-22
187 瀏覽
放大假第一日緊係訓到自然醒，之後帶媽咪出黎食好野，媽咪話未試過risotto，一食緊係要食正宗啲啦。特地黎到Attic homemade pasta, 叫左個5 courses dinner set 加個廣島蠔味增醬意大利飯。入坐後待應好快就上左餐包俾我哋，雖然睇落長條形包好似好硬咁，但原來係類似法包既外脆內軟，可以抹上牛油，就咁食凸出麵粉香。媽咪就更加中意食蕃茄乾餐包，微酸之下細嚼出甜味。前菜揀左特別既日式醬油漬溏心蛋黃多士，表面搽左層黑松露意大利軟芝士，中間有幾點法蔥魚子醬作點綴，有畫龍點晴既作用。因為漬蛋黃關係，口感比起任何吐司抹醬更厚身，濃郁蛋黃香。是日餐湯為蕃茄濃湯，偏酸味道剛好中和前菜的厚重。Pasta 揀左松露雜菌手打意粉，口感超正久違的al dente，菇菌鮮甜，份量亦都剛好。Main course 係法國釀無骨春雞，啖啖肉帶有微妙羊肚菌香，伴菜既紅椒好清甜👍廣島蠔味增醬意大利飯係重點中既重點，兩粒香煎焦糖金蠔處理得恰到好處，表面脆脆地蠔肉鮮味爆發，同加左獅蚶肉既意大利飯相輔相成，值得一提，飯既口感係剛好少少硬身，正宗的口感。Dessert 係伯爵茶意式奶凍，唔會過甜，
入坐後待應好快就上左餐包俾我哋，雖然睇落長條形包好似好硬咁，但原來係類似法包既外脆內軟，可以抹上牛油，就咁食凸出麵粉香。媽咪就更加中意食蕃茄乾餐包，微酸之下細嚼出甜味。
前菜揀左特別既日式醬油漬溏心蛋黃多士，表面搽左層黑松露意大利軟芝士，中間有幾點法蔥魚子醬作點綴，有畫龍點晴既作用。因為漬蛋黃關係，口感比起任何吐司抹醬更厚身，濃郁蛋黃香。
是日餐湯為蕃茄濃湯，偏酸味道剛好中和前菜的厚重。
Pasta 揀左松露雜菌手打意粉，口感超正久違的al dente，菇菌鮮甜，份量亦都剛好。
Main course 係法國釀無骨春雞，啖啖肉帶有微妙羊肚菌香，伴菜既紅椒好清甜👍
廣島蠔味增醬意大利飯係重點中既重點，兩粒香煎焦糖金蠔處理得恰到好處，表面脆脆地蠔肉鮮味爆發，同加左獅蚶肉既意大利飯相輔相成，值得一提，飯既口感係剛好少少硬身，正宗的口感。
Dessert 係伯爵茶意式奶凍，唔會過甜，茶味出眾奶油甘香，口感順滑。
讚一讚所以食物都用預熱左既餐碟盛載，唔驚野食好快攤凍。
飲埋杯檸茶完美地為晚餐畫上句號。
張貼
