影片
更多
2008-05-20
56 瀏覽
星期日琴晚4點先訓, 但係第二朝十點就比嘈起身~ 無他既~ 要我去元朗搵位飲茶~其實真係有d無奈, 今次飲茶明明要我比錢~ 仲要我搵埋位~ 唉~因為未去過大榮華既關係~ 所以決定響果度飲~本以為有排等叫籌~ 始料未及既係~ 原來佢地興好似快餐店咁企響隔離等~於是我同我妹妹分頭行事~ 點知到我妹妹等到位果陣~ 有個師奶一個屁股坐落去~我妹妹咪同個師奶理論, 佢蝦我妹一個細路女, 唔肯比番個位出黎~我行到埋去, 成副戰鬥格咁問：「咩事丫!?」 個師奶見我地有兩個人, 唯有倖倖然走人~呢個年頭有咁無賴既人既!?後尾其他人到齊, 我地一行齊個人食左好多野~呢度最出色既點心 --- 馬拉糕~ 真係幾好食~ 不過細件左dd, 其實相入面已經係兩碟合埋一齊~ 我地前後叫左3碟~榮華d蓮蓉都幾出名, 黎到緊係要整番個蓮蓉包啦~ 我覺得幾好食, 不過可能因為太多蓮蓉, 個包皮硬左少少~highly recommended~ 灌湯餃入面好多金華火腿同埋瑤柱~ 完全同出面食係兩回事~ 咁足料都只係大點~ 簡直反通漲~!媽咪話呢度食既係圍頭同埋順德菜~ 一聽到順德, 緊係唔少得叫個煎魚餅~ 以前同男友響尖沙
星期日
琴晚4點先訓, 但係第二朝十點就比嘈起身~ 無他既~ 要我去元朗搵位飲茶~
其實真係有d無奈, 今次飲茶明明要我比錢~ 仲要我搵埋位~ 唉~
因為未去過大榮華既關係~ 所以決定響果度飲~
本以為有排等叫籌~ 始料未及既係~ 原來佢地興好似快餐店咁企響隔離等~
於是我同我妹妹分頭行事~ 點知到我妹妹等到位果陣~ 有個師奶一個屁股坐落去~
我妹妹咪同個師奶理論, 佢蝦我妹一個細路女, 唔肯比番個位出黎~
我行到埋去, 成副戰鬥格咁問：「咩事丫!?」 個師奶見我地有兩個人, 唯有倖倖然走人~
呢個年頭有咁無賴既人既!?
後尾其他人到齊, 我地一行齊個人食左好多野~
呢度最出色既點心 --- 馬拉糕~ 真係幾好食~ 不過細件左dd, 其實相入面已經係兩碟合埋一齊~ 我地前後叫左3碟~
榮華d蓮蓉都幾出名, 黎到緊係要整番個蓮蓉包啦~ 我覺得幾好食, 不過可能因為太多蓮蓉, 個包皮硬左少少~
highly recommended~ 灌湯餃入面好多金華火腿同埋瑤柱~ 完全同出面食係兩回事~ 咁足料都只係大點~ 簡直反通漲~!
媽咪話呢度食既係圍頭同埋順德菜~ 一聽到順德, 緊係唔少得叫個煎魚餅~ 以前同男友響尖沙咀食過一次~ 大榮華果d更加有魚味~ 個皮煎到脆卜卜~ 我都好鍾意食~
我見佢地d黃金糕發得咁靚, 忍唔住叫左一碟~ 都幾食~ 完全冇發酵過度既酸味~ 不過好油~
順帶一提~ 我見好多人新年食黃金糕, 其實食最靚既黃金糕係夏天食, 因為就算夏天都要花大半日時間黎發酵~ 冬天勁難發酵~
信我啦~ 黃金糕我整過好多次~ 不過因為太麻煩, 出街食抵d~
呢度最最最出名既小菜 --- 圍頭五味雞~ 我食到有少少酒味, 仲有d豉油雞味~
其實我媽咪都識整類似既汁, 但係真係整唔到佢咁入味~
所以我覺得佢係我食過既, 數一數二好味既雞~
好可惜係佢係雪藏雞~ 如果唔係一定更多人食~
$50一隻, $45半隻, 好奇怪既標價~ 哈哈~ (圖為一隻份量)
今餐承惠$300~ 其實係抵食~ 6個人份量~ 仲要星期日中午~ 何況我地又叫炒麵又叫其他點心呢~
張貼
