CHUTNEY

暫時係我食過最啱我口味嘅印度菜餐廳🥰 絕對會回頭！星期一都座無虛席，記得訂位😛-實在太欣賞呢間餐廳既薄荷乳酪醬！香料風味十足，我覺得少少似芫荽🌿嘅強化版😍 完全冇膩感之餘，仲好開胃！-環境充滿異國風情，門口位已經令人wow一聲，有種置身於神秘宮殿之感。裝潢古典精緻，但價錢唔離地，值得支持❤️✨薄脆餅 😍😍印度菜常見嘅前菜小食，配搭三款醬汁，最正嘅一定係薄荷乳酪醬！微微辣，正！✨炸薯餅 😍😍以鷹嘴豆作基底，放上一口size炸薯餅，面層係滿滿既薄荷乳酪醬同羅望子醬。薯餅淋上醬汁後未必保留到酥脆外皮，擺得耐有少少變咗薯泥口感😋 但醬汁係靈魂，味道依然出色！✨咖喱肉碎麵包 😍😍😍睇個名平平無奇，但味道超乎預期。咖喱同羊肉碎完美融合，羊味十足但唔羶，仲有炸薯脆條增加口感。而麵包就如新鮮出爐咁外脆內軟，仲要熱辣辣🥯 兩者真係做到相得益彰！✨香辣咖喱雞 😍香料味十足，辣勁約有小辣程度，配Naan一流！✨扁豆咖哩我對豆類比較抗拒，但呢款咖喱係屬於好食嘅素菜咖喱！✨松露芝士薄餅一上枱已經傳黎濃郁松露香氣，份量巨型，適合二至四人分享😛✨Chutney’s Iced Tea 甜甜嘅凍茶，大眾能夠接受嘅口味！✨