影片
更多
2024-04-23
13716 瀏覽
終於有機會嚟到試試六哥推介嘅生啫肥牛～可能大家唔知六哥係邊個，喺社交平台search 佢哋個page，話說我都係睇咗佢哋嘅廣告慕名而來！好耐未食過雞煲，星期五約到班老友一齊去試吓～地點都算方便，收工喺旺角東站行過去唔使10分鐘。朋友醒目有WhatsApp留定位(一日前問都仲有位)，嚟到嘅時候門口已經好多人。首先，呢度係麻甩佬雞煲場，如果帶埋女性朋友嚟要做好心理準備🧍🏻♂️🧍🏻♂️🧍🏻♂️🧍🏻♂️(女友人真實對白：咁多佬嘅🥲）🌟麻辣雞煲好快上雞煲，叫嗰陣唔記得有冇得揀辣度，不過朋友都食得辣，所以冇理到，唔算好辣，味道還好，雖然無限加雞，但係只係食咗一轉，因為想快啲打邊爐😂🌟刺身拼盤上咗雞煲，之後催咗幾次先上。本身都無太大期望，刺身出奇地新鮮，冇雪藏味，食完第二日都冇肚痛👍🏿🌟避風塘海鮮山睇廣告片有瀨尿蝦，但呢度冇，反而有雞塊同魚柳，蝦蟹炒到好脆，肉唔多，味道一般。🌟芥末一口牛好似每台會送一碟，肉質唔錯，雖然加咗芥辣，放落雞煲醬到煮，味道就唔係好出，不過都幾好食！🌟肥牛當然唔少得可以生啫嘅肥牛，唔算好肥，幾有牛味，唔錯！🌟海鮮蒸鍋食食吓無端端放咗盤海鮮蒸鍋上嚟，啱啱先放前料入去打邊爐，搞到
可能大家唔知六哥係邊個，喺社交平台search 佢哋個page，話說我都係睇咗佢哋嘅廣告慕名而來！
好耐未食過雞煲，星期五約到班老友一齊去試吓～
地點都算方便，收工喺旺角東站行過去唔使10分鐘。
朋友醒目有WhatsApp留定位(一日前問都仲有位)，嚟到嘅時候門口已經好多人。首先，呢度係麻甩佬雞煲場，如果帶埋女性朋友嚟要做好心理準備🧍🏻♂️🧍🏻♂️🧍🏻♂️🧍🏻♂️(女友人真實對白：咁多佬嘅🥲）
🌟麻辣雞煲
好快上雞煲，叫嗰陣唔記得有冇得揀辣度，不過朋友都食得辣，所以冇理到，唔算好辣，味道還好，雖然無限加雞，但係只係食咗一轉，因為想快啲打邊爐😂
🌟刺身拼盤
上咗雞煲，之後催咗幾次先上。本身都無太大期望，刺身出奇地新鮮，冇雪藏味，食完第二日都冇肚痛👍🏿
🌟避風塘海鮮山
睇廣告片有瀨尿蝦，但呢度冇，反而有雞塊同魚柳，蝦蟹炒到好脆，肉唔多，味道一般。
🌟芥末一口牛
好似每台會送一碟，肉質唔錯，雖然加咗芥辣，放落雞煲醬到煮，味道就唔係好出，不過都幾好食！
🌟肥牛
當然唔少得可以生啫嘅肥牛，唔算好肥，幾有牛味，唔錯！
🌟海鮮蒸鍋
食食吓無端端放咗盤海鮮蒸鍋上嚟，啱啱先放前料入去打邊爐，搞到有啲措手不及。
所有海鮮用大量蒜蓉蒸煮，有小扇貝、鮑魚同埋魚柳，只有蒜蓉味🧄
🌟自助吧
整體環境以雞煲放題店算係幾乾淨，啲嘢食都算新鮮，蔬菜炸物小食都有大量選擇，放題竟然有冰菜？
主打生啤任飲，但上飲品速度極慢，可能我哋一杯杯叫，如果係啤酒tower 就好啲，見隔籬枱換得好密。我哋叫咗3號餐(埋單每人308)，預約有九折，但最咪買單佢冇比到折我，要再同佢講先有。
最後真係見到六哥本人，個個都同佢打招呼😂
總結會再嚟，叫啤酒tower，人數建議四個，預咗係麻甩佬場(嘈吵屬正常)，WhatsApp book位，記得Double check張單，預咗啲嘢要催。
張貼
