民聲冰室 (裝修中)

話說人夫嗰日係跑馬地搵外快，咁我又好有興緻話去大坑潮聖，但因為要等位又肚餓，醒起我仲未試肉餅山飯，咁就走咗去民聲啦~我哋分別叫咗「鹹蛋肉餅飯」同埋「蒜蓉豉油豬扒飯」。鹹蛋肉餅飯：推薦，係我喜歡既味道。平時係屋企有蒸肉餅，基本上其他餸都唔需要預我。真係成座山咁，肉質鮮味配埋白飯一流。真係食到停唔到口。蒜蓉豉油豬扒飯：熟度剛剛好，唔會太「鞋」口。不過醬汁少咗啲。呢度係集地道、人情味、懷舊氣息於一身。食飽行返出去坐巴士又可以幫助消化。所以係encore飯店之一。