利強記北角雞蛋仔

營業中

休息中

呢間雞蛋仔，朝早會買早餐，好早開門，不過真係剩係得早餐，冇雞蛋仔的，所以每次經過都食唔到，好可惜，不過今日終於食到喇！今日同朋友去尖沙咀行街，食到好飽，見到呢間雞蛋仔，忍唔住過嚟買一底試吓！價錢嚟講唔算好實惠，原味雞蛋仔$25 ，似乎係我喺香港食過最貴嘅原味雞蛋仔，不過都未至於係天文數字，所以可以接受的！食完發現味道同質感確實幾重料，濃郁，雞蛋仔裏面一定不是空心，粒粒都好似蛋糕咁，好實淨，外皮趣卜卜，厚身，相當足料，不過略嫌個雞蛋仔唔係好夠熱，微暖。但是是高質素的。另外，他們一名後生的男店員，幾風趣開朗，其實幾好，始終尖沙咀是遊客區，以後通關，都好需要這樣的店員，保持香港形象！