利強記北角雞蛋仔

營業中

休息中

北角雞蛋仔都聽得好多次啦，成日經過尖沙咀都想試吓咁今日真係叫咗雞蛋仔試下啦，咁等幾個人都算好快一啖食落去真係好脆，不過講真蛋味就真係唔係太重，但係嗰個口感真係幾好嘅外面好脆入面真係有少少煙靭嘅，仲要凍咗拎到返屋企都係好脆，佢時間控制得十分之好，整得都真係脆嘅，不過應該溝過蛋漿就比較淡啲，經濟成本效益啦咁都真係超級賺錢，口痕間唔中都可以食吓嘅，咁就一底雞蛋仔或者格仔餅就$28，貴就梗㗎啦，大把人嚟試😂走嗰陣時好多人真好彩

作為雞蛋仔愛好者，我基本上試晒全港50%以上嘅雞蛋仔啦～食嚟食去最好食都係呢間佐敦嘅北角雞蛋仔佢嘅蛋香真係冇其他雞蛋仔比得上！不過有時候佢哋會煮到好硬，雞蛋仔入邊空心今次就好好，入邊係充滿軟腍腍嘅蛋糕心😍😍

本身一路喺嗰邊剪頭髮，之前一路行過都冇開今日見到佢有開 試咗佢嘅魚蛋好難食 仲難食過七仔 同魚蛋個味係完全分開 魚蛋又唔新鮮 唔會再幫襯 見到佢出面好多明星合照，以為魚蛋燒賣出基本嘅嘢應該都唔會差得去邊 總之就唔好食！

#利強記北角雞蛋仔 好耐冇食北角雞蛋仔 宜家都仲係好多人排隊 不過大部份都係旅客價錢升幅都大 宜家$28一底🥲想當年的物價已經一去不返如果以$28一底黎講 味道方面我覺得係爭緊啲 冇咩蛋香味不過口感係做得好好 真係外脆內軟 同埋真係即叫即整 所以俾我嘅時候真係新鮮滾熱辣

There was no queue today so my sister got us egg waffles! Look like the price has gone up cos it’s $28 for one serving. This shop only sells the original flavour. The egg waffles were made fresh, the shells were crunchy and the inside was soft, best to eat them while they were still warm. We think that it’s quite good but Mr Steel-tongued commented that the egg flavour wasn’t strong enough.

今日經過突然想食, 依然都係排隊, 不過唔洗等好耐, 其實28元都屬於貴😅比我的時候熱辣辣, 依然都係外脆內軟, 食落感覺唔會好甜, 都幾好食😋😋 以香港地道小食來計, 佢都係一個代表, 感覺健康d😅🤣

好多年前食過，個陣食雞蛋仔，蛋香味濃，食落口感非常好，而且價錢絕對對得住品質。到今日心血來潮，想再試下格仔餅，見條隊都有5-6個人，都排左至少15分鐘隊。依家一底格仔餅要$25，即叫即整，新鮮熱辣，我仲叫咗多醬。但！！！ 極度失望， 格仔餅完全沒有蛋香味， 餅底是脆的，因為只用了很少蛋漿，餅底十分薄。至少很少牛油，甚至食唔出有落糖，花生醬是稀的，一拎起個格仔餅，啲醬稀到水咁流哂落膠袋。如果我係街邊求其搵間賣$15而得到呢個質素，我都仲可以理解，但如果我用左幾個字加$25而換到咁既失望，絕對絕對唔會再比多一次機會。名過於實，物非所值都不足以形容，簡直係不知所謂，希望店主反思下。

超級多人排隊，仲要極級混亂😵，店家完全唔會manage條隊，成班人塞左喺度唔知做咩，店家仲要鬧人😑…..聞住陣燒焦味排左20分鐘終於食得，結果超級失望🤕，普通到不能再普通，完全無味可言，食落得陣麵粉味同燒焦味，dd蛋味甜味都無💀….建議去求其一間唔洗排隊嘅雞蛋仔店開心d，呢間店相隔幾年我比左兩次機會😐，結果都係得個名同靠曬明星相🥴，極度普通毫不特別的雞蛋仔店，又貴又曬時間得個吉，No next time🫠🫠！！！

利強記北角雞蛋仔位於佐敦地鐵站D出口，步行大約2分鐘。利強記北角的雞蛋仔，中間是空心，非常脆口。呢間店堅持使用傳統嘅銅製模具，每一個雞蛋仔嘅大小都好均勻，蓬鬆鬆嘅質感非常令人滿意。喺尖沙咀呢間舖排隊等候時間有啲長，每次去到都有大約10個人排隊，應該係因為好多小紅書嘅關係。之前去過北角嗰間就唔洗點排隊，不過北角嗰間就離開地鐵站比較遠。香港已經好少比較好食嘅雞蛋仔，傳統的雞蛋仔近是少之有少，依家好多雞蛋仔入邊都有餡，個人覺得好奇怪嘅配搭。

住左係佐敦30年， 呢間都開左好耐不過一直冇食過，平日行過見到基本上都要排隊，遊客比較多，香味唔係好濃 ，反正就冇食過。前日同太太行過見到只有五個人排隊，佢話想試下，都好試試。一底25蚊，我覺得貴，雞蛋仔煱爐有四五個左右，店里一個人做晒，每個爐都好亂，地方都好亂，所有蛋漿都漏晒出黎，佢要快手所以好浪費，當然咁浪費都計係客人頭上。等左一陣攞得，一食好乾好柴，冇特別的蛋香味，幸好還比較脆口，但完全唔值得排隊，又一間只做遊客又唔好食既店，一底兩個人都食唔落，做左水魚。非常失望，好心唔好放咁多明星相片。

經過呢半年每晚至少食兩次北角雞蛋仔嘅經驗，我可以分享一下喺呢度買雞蛋仔嘅秘訣🤣🤣其實我到而家都未搞得清楚佢哋嘅開放時間，有時六點幾太早，見到佢哋未有人，但係有時過咗七點佢哋會閂鋪落咗閘不過以我嘅經驗呢就係6:30左右係最少人排隊～今日要分享嘅秘訣就係，如果見到隻雞蛋仔嘅係男仔，就買啦，因為係好食啲嘅如果係女仔整嘅話呢，我就覺得可以食可以唔食～我懷疑係關反轉嗰個手勢嘅事，因為佢哋倒蛋漿嘅份量呢，其實差唔多。但係唔知點解每一次男仔整呢個餡都會滿啲同埋軟熟啲女仔整呢就剩係得中間嗰啲係滿，外邊嗰啲好多都係空心嘅（又唔係真係空心，三四成滿啦）

作為一名消費者，我購買了位於香港尖沙咀的北角雞蛋仔，每底價格25蚊。但是，當我拿到食物後，發現這些雞蛋仔已經烤焦了，無法入口。這讓我非常失望和不滿意，認為商家的行為十分不負責任。商家偷偷摸摸故意把烤焦的雞蛋仔給客戶。我認為，商家應該提供質量更好的食品，並保證他們的食品能夠滿足消費者的期望，否則就會浪費客戶的金錢和時間。作為消費者，我們希望能夠享受美味的食品，而不是被浪費掉的食品所困擾。在這種情況下，我強烈建議商家改善他們的服務質量，確保食品質量，並對消費者的投訴進行回應和解決。如果他們不能做到這一點，那麼他們的商業道德將受到質疑。總之，作為消費者，我們應該保持警惕，並在遇到類似問題時及時採取行動。同時，我們也應該支持那些提供高質量、負責任且優質服務的商家。

每次放工經過北角雞蛋都會比雞蛋仔嘅香味吸引到，唯一令到我卻步嘅原因只有一個，就係太多人排隊今日難得三個人排隊，即刻買啦因為個個都係買雞蛋仔，所以唔使擔心啲雞蛋仔擺耐咗，多數都係佢即刻整好就即刻比客人，所以係熱辣辣又脆卜卜推介！

以前雞蛋仔呢啲街頭小食無話一定要食邊間或者去邊度食利強記都可以算係第一間雞蛋仔必食之選今日路經佐敦，順手買返底食吓以我認知，佢哋算係較早期會用到有窿窿嘅紙袋裝雞蛋仔嘅鋪頭咁就唔會焗住啲熱氣，整淋晒啲雞蛋仔望望佢嘅紙袋，原來已經喺大陸開埋分店🫢利強記無好似其他鋪咁賣啲花巧嘅味道格仔餅同雞蛋仔都只係得傳統原味我就係最鐘意最original嘅味，啱晒我口味🤗雞蛋仔粒粒都漲卜卜，好香蛋味，又夠脆口烘嘅時間啱啱好，少少金黃色水準仍然Keep到👍🏻👍🏻食吓食吓，就一個人啪晒一底了總結💭💭大學時期已經有食開佢哋嘅雞蛋仔雖然價錢已經比從前漲價大約1/3但偶然食吓，都算係帶返個回憶比自己

每次行過聞到都好香蛋味，氣味好吸引，被吸引買了試試，但食落冇咩蛋味，好一般和其他雞蛋仔一樣，只是新鮮做好比較熱和脆口，$25底價錢偏貴，試過一次夠了，不會再買。