寶寶雞煲 (已搬遷) 新店位置

一直揸車都有經過呢間寶寶雞煲，講咗好耐話想試吓今日終於有機會同朋友兩條友過嚟打個邊爐諗左一陣決定叫個椰子雞煲！夏天最啱就補一補㗎啦！先試咗一啖湯椰子味道夠濃！我就叫咗杯洛神花茶，朋友就叫咗同我好似樣嘅檸檬利賓納！大大杯我平時飲啤酒嗰隻杯嚟！牛魔王嘅我梗係諗都唔諗就叫咗本地牛頸脊！半肥瘦仲幾夠牛味！之後就係坊間唔容易搵到嘅豬天梯，亦即係豬嘅喉嚨，唔使淥好耐好爽口！仲唔係到到都有得食添！牛丸蝦丸都係手打嘅！食得出好足料！呢間野可以翻兜喎！