影片
更多
2014-04-15
7272 瀏覽
好高興咖啡弄終於喺尖沙咀開分店，因為無幾耐之前已經喺銅鑼灣店嘗過閉門羹既知味，哈~戈日係星期日，我地兩點攞完飛再去食野行街，四點幾打返去問叫到幾多號，竟然未過! 滿心歡喜咁即刻由皇室堡飛奔返去咖啡弄，點知返到去過左兩個號碼! 晴天霹靂咁失望而回! 所以今次終於唔洗去銅鑼灣都有得食，仲唔洗排好耐隊，真係多麼的興奮! 因為仲係試業既階段唔係好多人知道，所以今次只係等左20分鐘就入得喇! 甫坐低侍應就以溫柔既國語招呼，十分親切，彷如至身台灣! 我地四個人叫左兩款咸同兩款甜品~再每人一杯飲品 (最低消費每人一杯飲品)~朋友叫既冰鮮果茶，有大大粒生果粒，酸酸甜甜，茶味香濃，啱哂宜家悶熱既天氣飲。茉香蜜桃冰茶，味道有d似冰鮮果茶，不過味道較甜，冰鮮果茶味道較好，果然係招牌飲品! 仲有OREO沙冰，有朱古力碎，試左一啖已經愛上，好想據為己有 ! 好後悔自己叫左冰抹茶歐蕾，好普通，Starbucks 既Green Tea Latte 好飲d!食物方面，當然要試下每日限定既玉米里肌起司，侍應一放低已經好有澎湃既感覺，暖暖的牛角包好有牛油香、好鬆軟，入面有粟米、煙肉、芝士，溶左既芝士好香，食
因為仲係試業既階段唔係好多人知道，所以今次只係等左20分鐘就入得喇!
甫坐低侍應就以溫柔既國語招呼，十分親切，彷如至身台灣! 我地四個人叫左兩款咸同兩款甜品~再每人一杯飲品 (最低消費每人一杯飲品)~
朋友叫既冰鮮果茶，有大大粒生果粒，酸酸甜甜，茶味香濃，啱哂宜家悶熱既天氣飲。茉香蜜桃冰茶，味道有d似冰鮮果茶，不過味道較甜，冰鮮果茶味道較好，果然係招牌飲品! 仲有OREO沙冰，有朱古力碎，試左一啖已經愛上，好想據為己有 ! 好後悔自己叫左冰抹茶歐蕾，好普通，Starbucks 既Green Tea Latte 好飲d!
食物方面，當然要試下每日限定既玉米里肌起司，侍應一放低已經好有澎湃既感覺，暖暖的牛角包好有牛油香、好鬆軟，入面有粟米、煙肉、芝士，溶左既芝士好香，食完牛角包先食沙律，可清清油膩感。而咖哩牛腩配法包，牛腩煮得好稔，咖哩微辣，薯仔入味，以脆脆既法包蘸上咖哩汁，好好味!
食完咸既食物就食甜品喇~我地有d後悔叫左兩個鬆餅，因為食完一個已經好飽~草莓冰淇淋鬆餅既士多啤梨唔酸，仲甜甜地，而鬆餅非常鬆軟，好厚、好香。而香蕉朱古力鬆餅，一向都覺得香蕉同朱古力好夾，但係覺得呢個無咩特別~雖然四個人食，不過都係食唔哂d鬆餅~侍應好貼心，見我地停哂手，問我地要唔要打包~不過我地驚擺耐左就唔好食，所以都係放棄左~
總括黎講，食物同飲品絕對係色香味俱存，仲有好多野想試，如果唔洗排隊既話一定會再黎!
張貼
