影片
更多
2020-12-16
2813 瀏覽
位於沙田第一城站附近的帝逸酒店，係一間講求健康同埋時尚嘅新酒店。 呢排興staycation，兩口子就去咗放鬆一下， 一部入酒店就會畀時尚嘅氣息所吸引，裝修modern唔老土，而且環境又舒服。起咗身之後就去咗裏面嘅中菜廳《逸軒》食個brunch。 呢間中菜廳集傳統和新派於一身。喺傳統嘅點心和菜式上， 加入咗大廚嘅創意和心思， 啱曬一家老幼大小。 可惜因為疫情，無緣家人一齊共享盛宴，只能兩口子互撐枱腳。呢間中菜廳有兩樣點心非常出名， 打卡一流，分別係《恐龍大王咸水角》， 同埋《西瓜饅頭》。 兩者造型滿分，夠cute好食。《恐龍大王鹹水角》 即叫即炸， 保證奉上的時候新鮮熱辣， 由糯米粉以及澄麵製成的外皮軟糯鬆脆， 裏面嘅餡料豐富， 蝦米、冬菇、沙葛、肉碎夠足料， 最啱就係鍾意脆卜卜嘅小朋友。《 西瓜饅頭》 咁樣相當吸睛， 西瓜造型相當像真，誰知一口咬下， 西瓜肉亦同樣逼真。 西瓜饅頭採用了全天然色素， 用上咗菠菜汁以及紅菜頭汁， 食得安心又夠健康。 麵團發酵時間拿捏得恰當，食落軟熟， 甜味適中。《金箔素翅什菜水晶球》和《蝦餃》 即叫即蒸，絕對吃得出酒店大廚的功架。《金箔素翅水晶餃》 賣相
呢排興staycation，兩口子就去咗放鬆一下， 一部入酒店就會畀時尚嘅氣息所吸引，裝修modern唔老土，而且環境又舒服。
起咗身之後就去咗裏面嘅中菜廳《逸軒》食個brunch。 呢間中菜廳集傳統和新派於一身。
喺傳統嘅點心和菜式上， 加入咗大廚嘅創意和心思， 啱曬一家老幼大小。 可惜因為疫情，無緣家人一齊共享盛宴，只能兩口子互撐枱腳。
呢間中菜廳有兩樣點心非常出名， 打卡一流，分別係《恐龍大王咸水角》， 同埋《西瓜饅頭》。 兩者造型滿分，夠cute好食。
《恐龍大王鹹水角》 即叫即炸， 保證奉上的時候新鮮熱辣， 由糯米粉以及澄麵製成的外皮軟糯鬆脆， 裏面嘅餡料豐富， 蝦米、冬菇、沙葛、肉碎夠足料， 最啱就係鍾意脆卜卜嘅小朋友。
《 西瓜饅頭》 咁樣相當吸睛， 西瓜造型相當像真，誰知一口咬下， 西瓜肉亦同樣逼真。 西瓜饅頭採用了全天然色素， 用上咗菠菜汁以及紅菜頭汁， 食得安心又夠健康。 麵團發酵時間拿捏得恰當，食落軟熟， 甜味適中。
《金箔素翅什菜水晶球》和《蝦餃》 即叫即蒸，絕對吃得出酒店大廚的功架。
《金箔素翅水晶餃》 賣相高貴， 薄薄嘅外皮包滿了飽滿的餡料， 雖然是素餃， 但食起來層次亦相當豐富，有冬菇嘅香， 脆玉瓜的清甜， 味道令人滿足。
《蝦餃》幾乎是每次到酒店中菜廳必點的點心， 蝦餃外皮透薄， 透出粉嫩嘅顏色， 晶瑩飽滿，由於選用了新鮮的海蝦，所以蝦肉相當鮮甜，食落juicy。
一人一盅的老火湯賣相夠特別，用上了紫砂茶壺及功夫茶杯， 除了是因為精緻之外， 紫砂茶壺更能夠保持湯的熱度，就算是喝到最後一口， 仍能保持熱辣辣。 是日靚湯係《花膠雪梨豬展湯》， 湯嘅色澤金黃剔透， 滿滿的花膠令人看得心動， 每一啖都充滿骨膠原， 亦令老火湯變得十分黏咀， 雪梨功效滋潤， 最啱就係秋冬乾燥的天氣，飲落相當潤喉，like爆！
《Xo醬爆蝦球肉帶》蝦肉飽滿， 食落爽脆彈牙，味道鮮甜。 帶子肉嫩， 火候剛好， 加上惹味嘅xo醬爆炒，令人垂涎三尺。
再一個《櫻海老鰻魚炒鴛鴦絲苗》， 看到賣相已知道炒飯十分高質素， 色香味俱全。 絲苗米粒粒分明， 飯粒乾爽而不硬。 炒飯面加入了由紅菜頭添了色彩的京蔥， 除了是讓色澤更加吸引之外，亦增添了香氣。 炒飯的用料亦相當豐富，有鰻魚粒同櫻花蝦， 鰻魚增加了炒飯的香甜氣息， 櫻花蝦帶出了咸香， 加上青蔥嘅香氣， 令炒飯錦上添花。
最後以甜品作結，《芒果糯米糍》乃是餐廳的招牌甜品。 糯米糍軟糯亦不黏口， 帶出隱隱的香甜， 不會蓋過芒果的風頭。 芒果採用了當造的香芒， 甜度和酸度適中，果香澎湃， 令人難以抗拒。
另外餐廳亦推出了其他已芒果作主題甜品，《奇亞籽香芒果凍》 健康美味。
《逸軒》中菜廳的出品絕對是誠意之作， 希望疫情過後， 可以回家人一齊共享盛宴。 餐廳亦推出了外賣優惠， 希望在疫情期間為大眾打打氣。 誠意推介！
張貼
