鐵牛台灣牛肉麵 (旺角中心第一座) (已結業)

呢間鐵牛係初初新開張都食過一次，台灣野黎講價錢不算便宜，但覺得都幾好食，可以反兜，今次就第二次食啦！呢間餐廳應該有啲員工係台灣人黎既，另外要自己剔點餐紙再去收銀比錢。叫左個雞腿排便當：略嫌雞嘅醬汁有啲鹹，雞肉不算太滑但尚可接受。另外仲有少少前菜，而個滷肉飯都還可以，但我覺得可以比多少少滷肉同醬汁，撈飯食會好啲仲有紅燒牛肉麵(忘了影相)唔知係咪個碗比較闊身，顯得麵有點少，牛肉又好似亂咁擺，灑左少少蔥花。湯底色水正常，但有點不足，缺少左紅燒嘅香辣味，較淡口。今次試下市，人均一百蚊，喺香港食牛肉麵都係咁上下質素，唔會抱太大期望。