勝記酒家 (已結業)

今次試左新開既酒家-勝記，連同餐牌同配碟既設計都好有喜慶吉祥既感覺。燒乳豬係呢到既名菜，而且又有優惠，黎到一定要叫返碟試下。半隻乳豬上枱了，豬皮烤到好香脆，火喉掌握得唔錯，豬肉好嫩口彈牙。呢碟係酒樓姐姐介紹的，小炒皇幾乎間間餐廳煮既味道都唔不一樣，呢到既小炒皇係好得我心既，亦非常推介俾大家。韮菜甜又無渣，落了炸芋絲，增加口感，另外又落了炸菜，令味道多了層次，最正係落了帶子，帶子鮮甜惹味。呢道菜焗魚腸一樣，只係變左用煎蠔餅既方式整，比起平時食焗魚腸，我更喜歡呢個煮法，魚腸好惹味，煎完更香口，一定要加胡椒粉食。唔知叫咩好，於是叫了個金菇肥牛粉絲煲，好耐無食，味道不錯，好夠火喉，肥牛份量超多，又幾嫩口，拎黎撈飯一流。