板上 (D2 Place) (已結業)

D2嘅食肆都唔差 呢間板上係我近日幾鍾意嘅餐廳選擇都幾多 有飯同burger 受歡迎嘅飯係一口牛 而我就揀左味噌豬肉 數量多之餘都好夠味 豬肉亦彈牙 幾岩香港人口味最正嘅係有粟米同螺肉做小菜 唔會啖啖肉咁悶 而且小菜係會定期轉！上次我嚟係中華沙律 都幾好味架！如果嫌唔夠味 仲可以拎汁 不過員工態度就麻麻 試過想拎多個汁俾朋友 員工竟然問 你食兩個飯？ 嘩 就算我唔係食兩個飯 都可以拎兩個汁掛？不過40零蚊 包野飲 野飲方面有柚子蜜 檸檬蜜 檸檬紅茶等等 都還可以嘅！