影片
更多
2023-07-01
340 瀏覽
我嘅第一篇食評 🥳 當然要搵間新開業嘅餐廳介紹下啦 - 美心集團旗下嘅《鵝鹵宮》🪿🪿🪿兩個星期前路過yoho 都仲係圍板裝修緊 都已經心思思想試 👉🏽👈🏽今日 機會黎喇!!! 聽日就放一個大假喇 當然要食好嘢賀一賀啦 😏我同FeiFei 兩個人 8點左右到 其實都唔使10分鐘就已經有位... 裝潢 - 帶有點中式色彩 地方闊落 整潔 係舒服嘅🥰員工禮貌程度 - 絕對可以接受 個個都笑容滿面 真係實在難得👍呢度係用QR code落單嘅 所以都唔會有落錯單嘅機會 而上菜速度 正常接受範圍啦 大概10分鐘左右上第一個餸呢間餐廳主打潮州嘢 一心就係諗住食滷水野但係已經全部售罄 😨😨😨咁就唯有試吓其他小菜…1. 煎蠔烙 $118 - 真心好好味😋 首先佢係絕對唔油膩 蠔仔份量多 又夠Juicy 唔會過咸 值得推介嘅… 👍👍👍2. 杏汁花膠豬肺燉湯 $58 - 本身都真係好鍾意呢個燉湯 因為屋企一定唔會燉先啦😝 味道超濃郁 係有一條花膠同五大片厚豬肺片喺入邊嘅 算係真材實料啦…. 略嫌佢嘅杏汁磨得唔夠細滑 飲落去有點粗糙…3. 萵筍炒牛肉 $118 - 呢個就失色喇 😥最敗筆嘅地方係d牛肉真係落
兩個星期前路過yoho 都仲係圍板裝修緊 都已經心思思想試 👉🏽👈🏽
今日 機會黎喇!!! 聽日就放一個大假喇 當然要食好嘢賀一賀啦 😏
我同FeiFei 兩個人 8點左右到 其實都唔使10分鐘就已經有位...
裝潢 - 帶有點中式色彩 地方闊落 整潔 係舒服嘅🥰
員工禮貌程度 - 絕對可以接受 個個都笑容滿面 真係實在難得👍
呢度係用QR code落單嘅 所以都唔會有落錯單嘅機會 而上菜速度 正常接受範圍啦 大概10分鐘左右上第一個餸
呢間餐廳主打潮州嘢 一心就係諗住食滷水野
但係已經全部售罄 😨😨😨
咁就唯有試吓其他小菜…
1. 煎蠔烙 $118 - 真心好好味😋 首先佢係絕對唔油膩 蠔仔份量多 又夠Juicy 唔會過咸 值得推介嘅… 👍👍👍
2. 杏汁花膠豬肺燉湯 $58 - 本身都真係好鍾意呢個燉湯 因為屋企一定唔會燉先啦😝 味道超濃郁 係有一條花膠同五大片厚豬肺片喺入邊嘅 算係真材實料啦…. 略嫌佢嘅杏汁磨得唔夠細滑 飲落去有點粗糙…
3. 萵筍炒牛肉 $118 - 呢個就失色喇 😥最敗筆嘅地方係d牛肉真係落咗好多鬆肉粉 完全冇肉味 萵筍切到勁薄一片 味道方面真係冇乜特別 如非必要 可以唔叫🤫
4. 最後一道餸 海王美極粉絲煲 $138 - 熱辣辣嘅煲仔菜 味道調得啱啱好 夠乾身 但又唔會黐埋一舊 真係唔錯 😋亦奉行左少油少鹽少糖嘅準則 👍 有蛋白碎 帶子粒 蝦仁仔 份量合理
埋單嗰陣時 我有問d 員工點解咁快就賣晒 佢笑住話：冇諗過新開張就咁多人幫襯… 所以食物方面就預少咗 😅😅😅
咁即係要比多個機會 我再嚟食多次啦 😂😂😂 不過都真係值得試多次嘅😗
煎蠔烙
$118
27 瀏覽
0 讚好
0 留言
杏汁花膠豬肺燉湯
$58
14 瀏覽
0 讚好
0 留言
萵筍炒牛肉
$118
10 瀏覽
0 讚好
0 留言
海王美極粉絲煲
$138
18 瀏覽
1 讚好
0 留言
張貼
