西餐大排檔 (已結業)

名為西餐大排檔，相當奇怪，offer嘅同一般西餐廳菜式冇咩分別，而且整體較極具西餐質素。算吧，我也不去鑽研其歷史，只要好食就okay。每份dinner set加$65即可享海鮮拼盤，有生蠔兩隻，鮑魚，紅蝦，帶子及蟶子刺身，其實價錢相當具競爭力。生蠔雖然唔大隻，但新鮮甜美，不需加甚麼檸檬來辟腥，原汁原味仲正。蟶子刺身猶如象拔蚌一樣，無論口感抑或系味道都差唔多，質感超級爽彈有咬勁，味道亦鮮甜可口。餐湯絕不馬虎，此為牛腩羅宋湯，有大大塊鮮嫩牛腩，好有肉香，最重要系連羅宋湯都散發住鮮牛腩香，為羅宋湯既升級版。橡樹果級黑毛豬肉眼 ($298) - 豬既肉眼扒能夠present到成塊牛扒甘，而且具豐富既豚肉香，其肉之優質，真系特別唔同。豬肉富肉汁，切落去就知嫩滑而不老，形，色，香俱備，$298抵比。餐飲可選咖啡或茶 - 咖啡香濃，幾有豆香，唔加奶都唔覺得苦澀，但當然前題系你要飲開齋啡先明。